VOV4.Jarai-Tơlơi pơhing mơ̆ng Khul git gai pơhlôm, pơgang klin Covid 19 tơring čar Dak Lak, amăng lơ 1/11, tơring čar hơmâo čih pioh mrô mơnuih ƀă klin Covid 19 lu hloh mơ̆ng akŏ bơyan ƀă klin truh ră anai, hơmâo 244 čô mơnuih ƀă amăng 12 boh tơring glông, plơi prong, amăng anun 67 čô mơnuih ƀă amăng kual plơi pla. Plơi prong Ƀuôn Ma Thuôt hơmâo 72 čô mơnuih ƀă phrâo, amăng anun 32 čô mơnuih ƀă amăng plơi pla.

Sa boh plơi ƀôn ƀut arăng guang dar hĭ

Plơi prong Ƀuôn Hô, tơring glông Krông Ƀŭk hăng tơring glông Krông Ana ăt jing 3 boh tơring glông hơmâo mrô mơnuih ƀă lu hloh. Yap truh tlam mơmŏt lơ 1/11, tơring čar Dak Lak hơmâo abih bang 4.294 čô mơnuih ƀa Covid 19, amăng anun 2100 čô suaih laih duăm. Kơnong yap mă blan 10 phrâo rơgao truh ră anai, đơ đam tơring čar hơmâo 1.366 čô mơnuih ƀă Covid 19, amăng anun 704 čô amăng plơi pla.

Nay Jek: Pơblang