VOV4.Jarai-Ơi Trịnh Quang Trí, Khua anom ĕp lăng tơlơi duăm ruă tơring čar Dak Lak brơi thâo, 56 čô mơnuih F1 mơ̆ng mơnuih ruă tal 15.921 ƀơi Dak Lak hơmâo laih boh tơhnal pơčrang kman tal 1 ƀu ƀuh kman sars-cov-2 ôh. Mơnuih ruă ƀă kman tal 15.921 ƀơi Dak Lak arăng ƀuh lơ 28/6, ñu rai mơ̆ng ƀôn prong HCM glăi pơ Dak Lak.

Pơdjơ̆ nao kơ pô ruă anai, blung hlâo, anom bruă ia jrao Dak Lak ngă hrom khua mua gong gai kơnuk kơna djop tơring glông, hơduah ĕp, tui kru thâo krăn 56 čô mơnuih jĕ giăm tal sa hăng pô ruă, 28 čô lĕ mơnuih amăng sang anŏ, kơnung djuai, plơi pla ñu; 4 čô nai ia jrao; 20 čô mơnuih tuai đĭ hrom amăng sa boh rơdêh tuai glăi mơ̆ng ƀông HCM pơ Dak Lak; 4 čô dŏ hrom sa boh sang pơ Vĩnh Lộc A, tơring glông Bình Chánh, ƀôn prong HCM. Truh ră anai, 56 čô mơnuih lăi anun, brơi dŏ pơčlah anih pơtum hăng mă ia khak ba pơčrang ĕp kman sars-cov-2 tal sa ƀu ƀuh kman ôh jăng jai.

Nay Jek: Pơblang