VOV4.Jarai - Tlam lơ 4/5, Anom git gai pơhlôm pơgang klin Covid-19 tơring glông Čư̆ M’gar, tơring čar Dak Lak hơmâo mơit hră ječ kơ hơdôm anom bruă bơdjơ̆ nao, lăi pơthâo hơmâo sa čô ƀuh nam ruă kah hăng ƀă kman Covid-19. Tui hăng hră mơ-it, lơ̆m 1 mông tlam lơ 4/5, Sang ia jrao tơring kual Ea Pôč, tơring glông Čư̆ M’gar hơmâo čơkă sa čô nao pơhaih mă pô ñu glăi mơng Đà Nẵng. Pô anai ƀuh nam ruă kah hăng ƀă klin Covud-19 kah hăng pơtuk, duam, ƀlĕ ia dung...Tơdơi kơ hmư̆ hing, pô anai hơmâo mă drah ba nao pơ Anom bruă wai lăng tơlơi hơdjă agaih klin duam ruă kual Dap Kơdư sem lăng, laih anun glăk dŏ tơguăn arăng lăi glăi. Ră anai, pô anai hơmâo ba dŏ pơčlah pơ khoa Nhiễm mơng Sang ia jrao tơring glông Čư̆ M’gar. Tơdơi kơ hmư̆ hing, mơnuih apăn bruă hơmâo nao pruih jrao pơdjai kman ƀơi Sang ia jrao tơring kual Ea Pôč, sang jưh tuai Tứ Quý, sang rơdêh Toàn Thông hăng brơi dŏ pơčlah ƀơi sang hăng ƀing dŏ jê̆ giăm pô arăng đing đăo ƀă kman.

Siu H’Mai: Pơblang