VOV4.Jarai-Tơlơi pơhing mơ̆ng Khul git gai, pơhlôm, pơgang klin Covid 19 tơring čar Dak Lak, truh yang hrơi dơ̆ng lơ 20/7, tơring čar anai hơmâo dơ̆ng 8 čô mơnuih ƀă klin Covid 19. Tui hăng anun, 8 čô mơnuih ƀă phrâo anai, hơmâo 3 čô ƀơi plơi prong Ƀuôn Ma Thuôt, 2 čô ƀơi tơring glông Čư̆ Kuin, 1 čô ƀơi tơring glông Ea Hleo, 1 čô pơ tơring glông Ea Sup hăng 1 čô pơ plơi prong Ƀuôn Hô.

Amăng mrô 3 čô mơnuih arăng ƀuh ƀă kman ƀơi Ƀuôn Ma Thuôt, lăp gleng nao N.V.T dŏ plơi Hiệp Lợi, să Quảng Hiệp, tơring glông Čư̆ Mgar, mơnuih hyu ba gơnam sĭ mơdrô tơl sang anŏ arăng, mơ̆ng anom bruă Viettel mă bruă ƀơi mrô sang 132 jơlan Hai Bà Trưng, plơi prong Ƀuôn Ma Thuôt.

Pô anai, đuăi hyu pơ hơdôm rơtuh boh sang anŏ, bưp pơhiăp hăng lu mơnuih amăng anih dŏ hăng djă ba gơnam mơ̆ng sang bruă ñu. Truh ră anai, anom bruă kơnuk kơna tui kru ĕp 33 čô mơnuih F1 hăng 23 čô F2 pơdjơ̆ nao hăng pô anai laih anun bruă tui kru ăt hlăk ngă tui dơ̆ng mơ̆n.

Nay Jek: Pơblang