VOV4.Jarai-Tơlơi pơhing mơ̆ng Khua git gai pơhlôm, pơgang klin Covid 19 tơring čar Dak Lak, amăng lơ 28/7, čih pioh dơ̆ng 37 čô mơnuih ƀă kman sars-cov-2, pơđĭ tui mrô mơnuih ƀă amăng tơring čar Dak Lak truh 178 čô.

Dak Lak pơhaih bruă ia jrao amăng internet brơi kơ ƀing glăi mơ̆ng hơdôm tơring čar kual hơmâo klin

Amăng anun, 37 čô mơnuih phrâo ƀă kman sars-cov-2, 28 čô arăng ƀuh amăng anih dŏ pơčlah hăng guang dar laih. Ƀing gơñu ƀă mơ̆ng hlâo kơ anun ƀơi plơi prong Ƀuôn Ma Thuôt mơ̆ng sa čô mơnuih ƀă hlâo kơ anun hrom hăng ƀơi tơring glông Čư̆ Kuin, Krông Bông hăng Krông Năng. 9 cô dŏ glăi lĕ, amăng plơi pla, pơdjơ̆ nao mơ̆ng ƀôn prong Hồ Chí Minh hăng tơring čar Bình Dương.

Tui anun yơh, yap truh 5 mông tlam lơ 28/7, tơring čar Dak Lak hơmâo čih pioh 178 čô mơnuih ƀă kman klin amăng 15/15 boh tơring glông, plơi prong, amăng anun hơmâo 7 čô pơjrao suaih laih dưi glăi pơ sang anŏ.

Nay Jek: Pơblang