VOV4.Jarai-Tơlơi pơhing mơ̆ng Khua mua pơhlôm pơgang klin Covid 19 tơring čar Dak Lak, tlam lơ 19/7, tơring čar anai hơmâo dơ̆ng 6 čô mơnuih ƀă Covid 19  ƀơi plơi prong Ƀuôn Ma Thuôt hăng tơring glông Ea Hleo, Čư̆ Kuin, Krông Pač.

Tơring glông Ea Hleo hơmâo 3 čô mơnuih, lêng kơ F1 mơ̆ng pô ruă Q.C.T hăng L.T.H, dŏ hrom amăng plơi thôn 2 B, să Ea Hleo, tơring glông Ea Hleo, anom bruă ia jrao tơring čar Dak Lak pơsit gơñu ƀă kman Sars-Cov-2 tlam lơ 19/7, mơnuih amăng sang anŏ hăng rơkơi bơnai bơn T hăng H.

Mă ia mơdung ba pơčrang kman tañ ƀơi Ea Hleo-Dak Lak

Anih ƀă klin phrâo anai arăng ƀuh yua pơdjơ̆ nao pơ anih hơmâo klin Bình Dương, kah hăng H.K.A, thun tơkeng 1996 dŏ pơ plơi Thạch Lũ, să Ea Yông, tơring glông Krông Pač. Amai A, dŏ pơ sang dŏ lu mơnuih chung cư An Bình, phường An Bình, plơi prong Dĩ An, tơring čar Bình Dương.

Tơdơi kơ hơmâo kman tơlơi ruă, anom bruă ia jrao tơring čar Dak Lak ngă hrom djop plơi pla brơi tui kru ĕp mơnuih jĕ giăm pô ruă lơ̆m amai A glăi mơ̆ng Bình Dương truh pơ Dak Lak; pruih ia jrao pơdjai kman ƀơi sang ia jrao să Ea Yông

Nay Jek: Pơblang