VOV4.Jarai-Tơdơi kơ 28 hrơi pơjrao duăm ruă yua ƀă kman Covid 19 ƀơi sang ia jrao pơjrao tơlơi ruă tơsô̆ hăng ruă Lao tơring čar Dak Lak, mơguah lơ 8/6, dua čô mơnuih ruă ƀă kman Covid 19 tal 3237 hăng 3334 glăi mơ̆ng sang ia jrao laih, tơdơi kơ 3 wơ̆t mă ia khak ba pơčrang ƀu ƀuh kman sars-cov-2 dơ̆ng tah.

Dua čô mơnuih ruă anai, lêng kơ dŏ ƀơi jơlan weh anet 189/1, jơlan Mai Hắc Đế, phường Tân Thành, plơi prong Ƀuôn Ma Thuôt. Tơdơi kơ 28 hrơi dŏ pơjrao, drơi jăn 2 cô anai suaih laih duăm hăng 3 wơ̆t mă ia khak ba pơčrang ƀu ƀuh kman sars-cov-2 dơ̆ng tah. Laih glăi mơ̆ng sang ia jrao, dua čô anai ăt arăng krăo lăng pơ sang anŏ, anih gơñu dŏ, ngă djơ̆ hrơi blan pơkă pơjrao mơnuih duăm ruă ƀă kman Covid 19 mơ̆ng Ding jum ia jrao pơtrun.

Tui anun yơh, yap truh lơ 8/6, tơring čar Dak Lak dŏ 2 čô mơnuih duăm ƀă kman Covid 19 hlăk dŏ pơjrao pơčlah hơjăn pơ sang ia jrao ruă tơsô̆ hăng ruă Lao tơring čar.

Nay Jek: Pô pơblang