VOV4.Jarai - Tui hăng Anom bruă pơhlôm pơgang klin Covid-19 tơring čar Dak Lăk, amăng lơ 8/8, tơring čar hơmâo 20 čô dong ƀă kman SARS-CoV-2 ƀơi 6 boh tơring glông hăng plơi prong. Amăng mrô 20 čô mơnuih hơmâo ƀuh amăng lơ 8/8, hơmâo 14 čô hơmâo ƀuh amăng plơi pla, amăng anun hơmâo 3 čô ƀơi tơring glông M’Drăk aka ƀu thâo ƀă mơng hơpă ôh, hơmâo Sang ia jrao tơring glông ƀuh yua pơčrang kman tui hrơi pơkă. Bơdjơ̆ nao ƀing phrâo ƀă, amăng mlăm lơ 7/8, Sang ia jrao tơring glông M’drăk brơi guang dar laih gưl sang B3 (hơmâo anih pơjrao mơnuih ruă kơtang hăng Anih pơjrao Nội - Nhi - Nhiễm).

Anih pơjrao Nội - Nhi - Nhiễm mơng Sang ia jrao tơring glông Mdrăk hơmâo guang dar yua klin Covid-19.

Abih bang mơnuih mă bruă ia jrao, pô ruă, sang anŏ pô ruă hơmâo brơi dŏ pơčlah ƀơi anih laih anun hơmâo mă drah pơčrang tañ kman Covid-19. Yap truh 5 mông tlam lơ 8/8, tơring Dak Lăk čih pioh hơmâo 391 čô mơnuih ƀă kman SARS-CoV-2, amăng anun glăk pơjrao lĕ 376 čô, 14 čô mơnuih pơjrao suaih laih hăng 1 čô mơnuih djai.

Siu H’Mai: Pơblang