VOV4.Jarai - Yap truh 4 mông tlam lơ 30/7, tơring čar Dak Lăk čih pioh hơmâo 204 čô mơnuih ƀă klin Covid-19, đĭ 19 čô pơhmu hăng hăng hrơi hlâo. Tui hăng tơlơi pơhing mơng Anom git gai pơgang klin Covid-19 tơring Dak Lăk, 19 čô mơnuih phrâo ƀă ƀuh ƀơi 7 boh tơring glông, plơi prong. Amăng anun, plơi prong Buôn Ma Thuột hơmâo lu hloh hăng 5 čô, pơđĭ tui mrô mơnuih ƀă klin ƀơi plơi prong 40 čô, dong tal 2 amăng tơring čar, dong kiăo tlôn tơring glông Čư̆ Kuin hăng 55 čô. Ƀing phrâo ƀă klin anai lêng mơnuih glăi mơng ƀon prong Hồ Chí Minh hăng tơring čar Bình Dương, ƀudah ƀă mơng ƀing hơmâo klin hlâo kơ anun. Tui anun, mrô mơnuih ƀă klin Covid-19 ƀơi Dak Lăk truh mông anai lĕ 204 čô, hơmâo ƀơi abih bang tơring glông plơi prong. Amăng anun glăk pơjrao lĕ 197 čô, 7 čô pơjrao suaih laih, aka ƀu hơmâo pô djai ôh.

Siu H’Mai: Pơblang