VOV4.Jarai - Mơguah lơ 16/12, ơi ia jrao Trần Thuận - Khua Anom bruă ia jrao tơring glông Krông Ƀuk brơi thâo, ƀơi tơring glông phrâo hơmâo 5 čô čơđai sang hră ƀơi 3 boh sang hră ƀă klin SARS-CoV-2, amăng anun, hơmâo 3 čô čơđai sang hră arăng pơčrang hăng RT-PCR ƀă klin laih, 2 čô glăk tơguan arăng lăi pơthâo glăi. Ƀơi anăp bruă hơmâo klin tui anai, Anom bruă ia jrao tơring glông Krông Ƀuk ječ ameč hyu ĕp mơnuih dŏ jê̆ giăm, brơi 300 čô čơđai hăng nai pơtô dŏ jê̆ giăm pơčrang lăng kman. Mơng bruă test hmar brơi ƀuh lêng huăi ƀă klin ôh. Ră anai, 3 boh sang hră hơmâo mơnuih ƀă klin Covid-19 brơi pơdơi hrăm ƀơi sang hră laih. Bơ ƀing čơđai F1 lĕ hơmâo sang hră ngă hrŏm hăng anom bruă ia jrao brơi pơčlah pơ sang hơmâo amĭ ama krăp lăng.

Siu H’Mai: Pơblang