VOV4.Jarai-Gơnong bruă gru grua boh thâo, Pơrơguăt drơi jăn hăng Tuai čuă ngui tơring čar Dak Lak pơphun pơdah tơlơi adoh suang hăng lăi pơthâo, anŏ ngă sen adoh rah akhan rah anăn Akŏ yôm tơlơi Akhan Dăm Săn-pơčeh phrâo tui gru akhan hri Dăm Săn mơ̆ng djuai ania Êđê, kiăng čih pơkra sa tơlơi adoh suang, ngă sen prong pơdah hrom amăng tơlơi adoh suang Việt Nam.

Adoh ngă sen Anŏ yôm mơ̆ng Dăm Săn lĕ kơčăo bruă tơring čar Dak Lak pơsit brơi kơ kông ty TNHH Sông Thương Garden, jao kơ Gơnong bruă gru grua boh thâo pơrơguăt drơi jăn hăng tuai čuă ngui git gai, pô pơčeh tơlơi adoh Nguyễn Cường pô pơčeh hăng dăp hơdră git gai, khul adoh suang djuai ania tơring čar Dak Lak pơdah.

H'Yim Kđoh, Kơ-iăng Khua Jơnum min mơnuih ƀôn sang tơring čar Dak Lak brơi thâo, Kơčăo bruă anai dưi pơsit čih pơkra sa tơlơi adoh suang prong pioh ngă atur hrom tơlơi adoh suang Việt Nam. Rŭ glăi, djă pioh hăng pơdah tơlơi adoh suang mơak pran jua tui tơlơi akhan hri đưm djuai ania Êđê, kiăo tui kơ er yut suang, yŭ tơlơi adoh gru grua akhan đưm djuai ania Êđê; pioh ba pơdah amăng tơrưng pơdah adoh suang mơak phara, hrom hăng pơdah mơnuih suang pơhrôp tui tơlơi akhan đưm pơjing rai tơlơi adoh suang hiam mơak pioh čơkă tuai tơring čar Dak Lak, dưi pơdah na nao rĭm rơwă rơwưng pơkă pioh pơdah brơi mơnuih ƀôn sang lăng.

Nay Jek: Pơblang