VOV4.Jarai - Ƀơi anăp tơlơi kơtang mơng klin Covid-19 mơng lơ 15/9 truh ră anai, plơi prong Buôn Hồ, tơring čar Dak Lăk hơmâo lu mơnuih ƀă klin Covid-19 amăng plơi pla mơ̆ ƀu thâo ƀă mơng hơpă. Tlam lơ 17/9, Gơnong bruă ia jrao tơring čar Dak Lăk ngă hrŏm hăng Sang ia jrao prong plơi prong Buôn Hồ pơčrang kman hmar hăng pơčrang hăng RT-PCR hăng mơnuih ƀon sang ƀơi 4 boh phường glăk hơmâo klin kơtang hloh, arăng iâu lĕ kual mriah. Tui anun, hrơi anai lơ 18/9, anom bruă ia jrao amra pơčrang kman ƀơi 4 boh phường amăng plơi prong Buôn Hồ anun lĕ: phường An Lạc, An Bình, Thiện An hăng Đạt Hiếu.

Hrơi blan mă ia adung ia khak pơčrang kman amra hơmâo ngă amăng 7 hrơi (mơng lơ 18/9 truh lơ 24/9). Him lăng hơmâo năng ai 33.077 čô mơnuih amăng mrô 8.917 boh sang anŏ hơmâo pơčrang kman amăng tal anai. Yap truh tlam lơ 17/9, plơi prong Buôn Hồ hơmâo 180 čô mơnuih ƀă kman SARS-CoV-2, 1 čô mơnuih djai. Hmư̆ hing hloh, mơng lơ 15/9/2021 truh 5 mông tlam lơ 17/9/2021 plơi prong Buôn Hồ hơmâo 47 čô mơnuih ƀă kman Covid-19 hăng lu mơnuih bơdjơ̆ nao anih blơi gơnam mơng hmua.

Siu H’Mai: Pơblang