VOV4.Jarai-Ơi Trịnh Quang Trí, Khua anom bruă pel ĕp tơlơi duăm ruă tơring čar Dak Lak brơi thâo, anom bruă anai hơmâo tŭ mă 400 rơbâo liêu vaccine Vero Cell mơ̆ng Sinopharm. Hăng rơnoh vaccine hơmâo anai, Dak Lak amra tlâ̆o djop arăt jrum tal dua kơ 200 rơbâo čô mơnuih, dưm dưm hăng 10% mrô mơnuih ƀôn sang amăng tơring čar. Anai lĕ mrô vaccine lu hloh mơ̆ng hlâo truh ră anai mơ̆ Dak Lak tŭ mă pioh tlâ̆o pơgang klin Covid 19.

Dak Lak pok pơhai tlâ̆o djop 400 rơbâo liêu vaccine covid 19 kơ mơnuih ƀôn sang

Tui hăng ơi Trịnh Quang Trí, kơnang kơ tơlơi pơhing hơmâo amăng tơring čar, mrô vaccine anai amra djru kơ mơnuih ƀôn sang hŭi ƀă kơtang kah hăng plơi prong Ƀuôn Ma Thuôt, plơi prong Ƀuôn Hô, tơring glông Čư̆ Mgar, tơring glông Krông Ƀŭk hăng hơdôm tơring glông kah hăng Čư̆ Kuin dơ̆ng. Hơdôm anih pơkŏn amra pơpha ia jrao vaccine tui mrô mơnuih ƀôn sang, kiăng djop mơnuih brơi gleng nao tlâ̆o hlâo dưi tlâ̆o pơgang djop tal anai.

Nay Jek: Pơblang