VOV4.Jarai - Truh mông anai, 20 grup ping gah măng Ping gah Dak Lak pơphun giong laih mông jơnum ruah khua Ping gah, rơwang thun 2020-2025. hăng pran jua gir pơplih phrâo, pơ[ut ngă bruă, gơgrong bruă hơdôm mông jơnum pơphun klă, tơpă ară, ngă tui djơ\ djop tơlơi pơtrun mrô 35 mơng Ding jum kơđi ]ar.

Bruă pơphun truh kih mông ruah khua ping gah tơring glông, plơi prong le\ tơlơi yôm pơphăn gum pơgôp kơ mông Jơnum ruah khua Ping gah tơring ]ar Dak Lak tal 17, rơwang thun 2020-2025.

Ping gah Dak Lak hơmâo 20 grup Ping gah, amăng anun hơmâo 15 grup ping gah tơring glông, plơi prong hăng 5 ping gah le\ Ping gah hơdôm anom bruă kơnuk kơna hăng anom bơwih [ong amăng tơring ]ar, Ping gah Ling tơhan, Ping gah Kông ang, Ping gah tơhan pơgang guai hăng Ping gah Sang hră Đại học Tây Nguyên. Truh lơ 28/8 hơdôm grup ping gah hơmâo pơphun giong laih jơnum ruah khua, rơwang thun 2020-2025, tui djơ\ hăng Tơlơi pơtrun 35 mơng Ding jum kơđi ]ar.

Tui hăng tơlơi pơtrun 35 mơng Ding jum kơđi ]ar, [ơi mông jơnum Ping gah tơring glông hơmâo sa tơlơi phrâo pơhmu hăng rơ wang bruă mơng hlâo. Anun le\ hơmâo c\ih pơkra hăng pơsit brơi jơlan hơdră ngă bruă tui Hră pơtrun rơwang thun ngă bruă 2020-2025.

Tơlơi pơplih phrâo anai djru kơ hơdră ngă bruă hơmâo ba tơbiă [ơi mông jơnum ta` dưi mă yua. Bruă c\ih pơkra hơdră ngă bruă [ơi mông jơnum mơtăm hơmâo Ping gah tơring glông tu\ ư ngă tui klă. Tơlơi pơplih phrâo anai hơmâo khua mua lăng yôm. Ơi Huỳnh Chiến Thắng, Khua Ping gah tơring glông Krông {uk, Dak Lak lăi le\:

“Sa tơlơi phrâo yôm biă mă le\ c\ih pơkra hơdră ngă bruă tui tơlơi pơtrun mơng mông jơnum tal anai. Jơlan hơdră mơng djop Ping gah lăi hro\m hăng ping gah tơring glông Krông {uk lăi hơjăn hơmâo c\ih pơkra tong ten, ngă bruă abih pran jua.

Amăng mông jơnum ăt pơphun bơkơtuai laih anun hơmâo lu tơlơi gum pơgôp kiăng ngă rơđah djop jơlan hơdră ngă bruă, hơdôm tơlơi yôm phun kiăng pơhlôm tơdơi mông jơnum khua mua apăn bruă tal phrâo dưi pok pơhai ba hơdôm tơlơi gơ`ăm nao, tơlơi kiăng, bruă kiăng ngă mơng tơlơi pơtrun amăng hrơi mông ngă bruă djơ\ tui tơlơi kiăng sit nik mơng plơi pla”.

Khua mua nao  Jơnum ruah khua ping gah tơring glông Krông Pac\, Dak Lak yơr tơngan tu\ ư hơdôm tơlơi pơtrun mơng rơwang thun ngă bruă 2020-2025.

Mơng tơlơi pơplih phrâo anai, Ping gah djop gưl hơmâo lu hơdră ngă bruă rơđah rơđông, djơ\ tui hăng boh thâo ia rơgơi. Hră pơtrun mông jơnum hơmâo djop gưl ping gah ngă tui, bơkơtuai lu wơ\t, mă tơlơi pơgôp hiăp mơng lu mơnuih.

Mơng anun pơtrut đ^ tơlơi thâo rơgơi mơng khua mua, mơnuih ping gah, mơnuih [on sang. Hơdôm tơlơi pơgôp hiăp tum tec\ tơlơi kiăng biă mă đôc\, pơđ^ tui ano\ tu\ yua mơng tơlơi pơtrun.

Hră lăi pơthâo bruă ]ar mơng djop Ping gah pơsit rơđah ako\ bruă hăng hơdră ngă bruă, pơdah pran jua gir run mơng ping gah. Jơlan hơdră ngă bruă lăi rơđah kơ hơdôm bruă kiăng ngă prong, pơsit rơđah bruă kiăng ngă mơng [ing Ping gah hăng mơnuih [on sang kiăng ngă tui djơ\ ako\ tlôn hăng hơmâo hơdră ngă bruă lăp djơ\ kơ rơwang bruă phrâo.

Jing anih yôm phun [ơi kual Dăp Kơdư tui tơlơi klah c\un 67 mơng Ding jum kơđi ]ar, Ping gah plơi prong Buôn Ma Thuột nao hlâo amăng bruă c\ih pơkra hră jơnum. Ơi Từ Thái Giang, Khua git gai Ping gah plơi prong Buôn Ma Thuột brơi thâo.

“Hră lăi glăi bruă ]ar mơng plơi prong hơmâo pơsit jing hơdôm bruă mă rơđah rơđông. Rơngiao mơng bruă pơhlôm rơnuk rơnua, kơđi ]ar, wai pơgang lo\n ia, pơjing ping gah, pơjing anom bruă kơđi ]ar le\ bruă pơđ^ kyar bơwih [ong huă ăt jing bruă yôm hloh.

Biă `u le\ kho\m lăng glăi hơdôm bruă mơ\ plơi prong glăk pok pơhai ngă tui, lăng glăi aka [u ngă bruă hơget, tơdu anăm [ơi mơng anun pơplih hơdră ngă bruă djơ\ tui hăng tơlơi hơmâo phrâo”.

Rơngiao kơ pơplih phrâo c\ih pơkra tơlơi pơtrun, sa amăng hơdôm bruă yôm hloh mơng mông jơnum ping gah tơring glông [ơi Dak Lak le\ bruă ruah mơnuih ngă khua hơmâo prăp lui klă, tơpă ară, [u hơmâo gum kơ pô hlơi drơi hơpă ôh; ngă tui djơ\ tơlơi pơtrun kiăo tui tơlơi dưi mơnuih [on sang, hơmâo abih bang mơnuih tu\ ư.

Bruă ruah khua mua git gai ping gah hăng mơnuih gum bruă amăng ping gah hơmâo ngă tui klă, djơ\ tơlơi phiăn, ruah 1 wơ\t le\ djop mrô mơnuih ngă khua, djơ\ tui hăng tơlơi him lăng blung a. Biă `u, khua mua ping gah phrâo klă hloh, mơnuih mă bruă rơgơi, djơ\ tui tơlơi kiăng, djơ\ tui bruă kiăng ngă amăng rơnuk anai.

Khua mua apăn bruă Ping gah Dak Lak pơphun jơnum mă tơlơi pơgôp hiăp mơng ding jum, anom bruă Ping gah dêh ]ar hăng [ing rơgơi kơhnâo pơgôp tơlơi hiăp kơ Hră lăi pơthâo bruă ]ar Jơnum ruah khua Ping gah tal 17, rơwang thun 2020-2025.

Tui hăng ơi Bùi Văn Cường, Ding kơna Ping gah dêh ]ar, Khua git gai Ping gah Dak Lak lăi pơphun truh kih bruă ruah khua [ơi mông Jơnum ruah khua ping gah ping gah tơring glông le\ atur yôm kơ bruă ruah khua ping gah amăng mông Jơnum ping gah tơring ]ar.

“Jơnum ping gah plơi pla hăng jơnum ping gah tơring glông kơ bruă prăp lui mơnuih ngă khua hăng hluai tui mông jơnum c\i ruah khua le\ [u hơmâo tơlơi soh glăi hơget ôh [ơi mông jơnum ruah khua ping gah tơring glông.

Anai le\ tơlơi pơsit pơhmu hăng hơdră ngă bruă hlâo adih. Rơngiao kơ bruă khua mua git gai hăng mông jơnum ping gah plơi pla hăng jơnum ping gah tơring glông gir ngă bruă jec\ amec\ c\i prăp rơmet kơ mông jơnum ruah khua Ping gah tơring ]ar.

Amăng anun prăp lui kơ tơlơi jơnum, mơnuih ngă khua, djop mơta tơlơi bơdjơ\ nao kiăng pơhlôm pơphun jơnum klă. Truh ră anai hơmâo ngă giong laih, samơ\ ăt do\ mơn bruă jơnum tuc\ rơnuc\ kiăng ha mơkrah blan 10 anai amra pơphun Jơnum ruah khua Ping gah tơring ]ar”.

Tơlơi dưi ngă amăng mông Jơnum ruah khua ping gah plơi pla hăng tơring glông, plơi prong [ơi Dak Lak le\ tơlơi pơsit kơ pran jua nao hlâo prăp rơmet bruă, hơmâo pơphun klă mơng ping gah tơring glông hăng tơlơi git gai c\râo bruă klă mơng Ping gah tơring ]ar Dak Lak.

Tơlơi truh kih anai le\ atur yôm biă mă gum pơphun truh kih mông Jơnum ruah khua Ping gah tơring ]ar Dak Lak tal 17, rơwang thun 2020-2025.

Hương Lý: C|ih – Siu H’Mai: Pơblang