VOV4.Jarai - Tơring čar Dak Lak pơsit tlâ̆o rơbêh 17 rơbâo liêu vaccine pơgang Covid-19 mơng hrơi anai lơ 24/4, tañ hloh 3 hrơi pơhmu hăng hrơi pơkă hlâo kơ anun. Amăng tơring čar Dak Lak, gơnong bruă ia jrao amra pơtŏp rơguăt bruă brơi khua mua, ơi ia jrao tlâ̆o jrao pơgang ; tơlơi pơhing kơ vaccine pơgang Covid-19; pơtô brơi hơdră mă yua, khăm lăng hlâo či tlâ̆o; pơtô djru ba lơ̆m tlâ̆o mơ̆ drơi jăn kơtuă kơ jrao, rơnuk rơnua lơ̆m tlâ̆o jrao pơgang. Bruă tlâ̆o vaccine pơgang Covid-19 tal anai, Dak Lak hơmâo brơi 17.050 liêu pioh tlâ̆o brơi 3 grup mơnuih anun lĕ ƀing dŏ mă bruă pơ sang ia jrao, mơnuih gum pơgang klin hăng tơhan blah ngă. Hrơi nao tlâ̆o mơng lơ 24/2 truh lơ 5/5/2021. Kiăng dưi tlâ̆o brơi rơbêh 95% mrô mơnuih kiăng tlâ̆o pơgang hlâo, Dak Lak mă yua hơdră tlâ̆o pơgang pok prong hơmâo hơđăp ƀơi tơring čar laih dong hơmâo thim 2 hơbô̆ bruă tlâ̆o pơgang rơnuk rơnua ƀơi Sang ia jrao prong kual Dap Kơdư hăng Sang ia jrao prong plơi prong Buôn Ma Thuột.

Siu H’Mai: Pơblang