VOV4.Jarai - Jơnum min pơ ala mơnuih ƀon sang tơring čar Dak Lăk phrâo tŭ ư mă yua Tơlơi pơtrun pơplih pơkra, pơhrua tui hơdôm tơlơi mơng Tơlơi pơtrun jơnum mrô 78/2012 kơ hơdră djru rơman lan tuh ană hăng plai ƀiă hơmâo rơman ngă sat kơ ană mơnuih, pơhrua tui tơlơi djru kơ rơman. Tui hăng tơlơi pơtrun hơmâo pơkra ming, Dak Lăk amra djru 500 rơbâo prăk kơ pô rông rơman ania/hrơi, hăng 600 rơbâo prăk kơ pô rông rơman tơnô lơ̆m sa hrơi, amăng 30 hrơi rơman tơnô ania dŏ hrŏm.

Dak Lăk pơplih bruă tuai hyu ngui mơng đĭ rơman jing hyu čuă ngui mơ-ak, rơnôm hăng rơman.

Tơdah rơman ania mơkian, pô rông rơman hơmâo djru 300 rơbâo prăk/hrơi amăng 10 blan blung a mơkian, 600 rơbâo prăk/hrơi mơng blan 11 mơkian truh blan 6 tơdơi kơ rơman tuh. Bơ rơman ania, tơring čar djru ba 200 rơbâo prăk/hrơi amăng 29 blan....Kiăng plai ƀiă hơmâo rơman ngă prung kơ ană mơnuih ta ƀơi Dak Lăk, hơdôm boh plơi pla juăt hơmâo rơman glai nao, jing akŏ pơdong anih dŏ gak, rim grup ƀu dưi lu rơgao kơ 10 čô ôh či krăp lăng anih nao rai mơng rơman, puh đuăi rơman ngă prung kơ ană mơnuih.

Siu H’Mai: Pơblang