VOV4.Jarai - Thun hrăm hră 2020-2021 truh laih, samơ\ [ơi Dak Lak klin Covid-19 hăng klin ruă rơkông đok [ơi tơring ]ar ăt do\ hu\i rơhyưt mơn. Kiăng dưi mut sang hră, anom bruă pơtô pơhrăm Dak Lak glăk gir pok pơhai hơdră pơhlôm djop gơnam tam, măi mok, nai pơtô [rô pơhlôm rơnuk rơnua kơ sang hră hăng nai pơtô amăng bruă pơgang klin.

Thun hrăm 2020-2021, sang mă muai Sơn Ca, să Hoà Sơn, tơring glông Krông Bông, Dak Lak amra c\ơkă 270 c\ô c\ơđai. Yua glăk amăng thun c\ơđai muai yua hnun [ing c\ơđai aka [u thâo hluh ôh kơ hơdră pơgang klin. Anai le\ sa amăng hơdôm tơlơi tơnap mơng sang hră lơ\m mut thun hrăm phrâo.

Yă Phạm Thị Mười, Khua sang hră muai Sơn Ca brơi thâo, hlâo c\i c\ơkă [ing c\ơđai mut sang hră, sang hră jak iâu abih bang nai pơtô ngă hro\m hăng [ing apăn bruă ia jrao mut nao kih rơmet, pruih ia jrao pơdjai kman [ơi grê, gơnam c\ơđai ngui, gơnam pơtô c\ơđai hăng [ơi lan sang hră kiăng pơhlôm anih hrăm rơnuk rơnua amăng thun hrăm phrâo.

“Thun hrăm phrâo anai hơmâo tom hăng bruă pơgang klin cobid-19 hăng klin ruă rơkông đok dong. Gơmơi pok pơhai lu hơdră pơhlôm pơgang klin, măi pơkă hyuh pơ-iă amăng drơi jăn [ơi bah amăng mut sang hră, ia jrao hăng ia c\ơ[u rao tơngan tui 6 wơ\t tơlơi pơtô pơgang klin”.

Yap truh lơ 31/8,Dak Lak hơmâo 2 c\ô mơnuih [ă kman Covid-19 glăk do\ pơjrao hăng 39 c\ô mơnuih [ă kman ruă rơkông đok. Krông Bông le\ tơring glông hơmâo lu mơnuih [ă kman hloh hăng 17 c\ô. Kiăng prăp rơmet kơ thun hrăm phrâo, rơngiao kơ blơi gơnam tam, măi mok pơtô hrăm hăng mrô prăk năng ai `u 20 klai prăk, anom bruă pơtô hrăm tơring glông Krông Bông ăt ngă hro\m hăng anom bruă ia jrao pơtrut đ^ pơgang klin covid-19 hăng klin ruă rơkông đok. Ơi Lê Xuân Quý, Khua anom bruă pơtô hăng pơjuăt bruă tơring glông Krông Bông, Dak Lak brơi thâo:

“Anom bruă pơtô hăng pơjuăt bruă tơring glông lăi pơthâo kơ Jơnum min mơnuih [on sang tơring glông git gai mơnuih mă bruă ia jrao ngă hro\m hăng hơdôm boh sang hră kih rơmet, pruih jrao pơdjai kman amăng sang hră. Hro\m hăng anun, hơdôm boh sang hră ăt kho\m prăp lui anih dưm ia rao tơngan hăng pơtô pơblang kơ am^ ama [ing c\ơđai hăng [ing c\ơđai thâo hơdră pơgang djop klin kheng glăk hơmâo ră anai”.

Nai pơtô sang hră muai Sơn Ca, să Hoà Sơn, tơring glông Krông Bông, Dak Lak kih rơmet sang hră hlâo c\i mut thun hrăm phrâo.

Yua hơmâo klin Covid-19, Tal pơplông abih anih 12 [ơi Dak Lak kah pơpha jing 2 wơ\t, tal sa pơphun mơng lơ 8 truh lơ 10/8, rơbêh 14.000 c\ô c\ơđai [ơi 23 boh tơring glông, plơi prong gum pơplông. Bơ rơbêh 5.400 c\ơđai sang hră [ơi plơi prong Buôn Ma Thuột hăng [ing c\ơđai do\ giăm hăng [ing [ă kman arăng iâu F1, F2 pơplông amăng lơ 3-4/9.

Tơlơi anai ăt ngă tơnap mơn kơ hơdôm boh sang hră gưl 3 lơ\m giăm truh hrơi jơnum mut sang hră lơ 5/9, tơdơi kơ hrơi pơplông 1 hrơi đôc\. Khă hnun, kiăng hrơi ngă lopưhet mut thun hrăm phrâo jing hrơi jơnum ngui nao pơ sang hră, Nai Nguyễn Đăng Bồng, Khua sang hră gưl 3 chuyên Nguyễn Du, plơi prong Buôn Ma Thuột brơi thâo:

“Tui hăng ako\ bruă mut thun hrăm phrâo yua tơring ]ar pơtrun, lơ 1/9 [ing c\ơđai nao lăng sang hră, lơ 5/9 jơnum mut sang hră. Khă hnun, ako\ bruă mơng Ding jum le\ lơ 3 hăng 4/9 le\ pơplông abih anih 12 tal 2, jing ngă kơ sang hră prăp rơmet jec\ amec\ mơtăm yơh. Samơ\ sang hră sem lăng dưm dăp hiư\m pă kiăng djơ\ lăp amăng mông anun. {ing gơmơi brơi [ing c\ơđai nao pơ sang hră, tam lơ 1/9 kih rơmet hăng hrơi pơgi, lơ 5/9 le\ brơi [ing c\ơđai nao jơnum mut thun hrăm phrâo”.

Thun hrăm 2020-2021, tơring ]ar Dak Lak tuh pơ alin rơbêh 430 klai prăk pioh man pơdong, pơkra ming anih hrăm, blơi măi mok, gơnam pioh pơtô hrăm [ơi djop anih hrăm djơ\ hăng hơdră pơtô phrâo. Thun hrăm anai, anom bruă pơtô hrăm Dak Lak pơsit klin Covid-19 ăt do\ hu\i rơhyưt mơn, yua anun bruă pơtô hăng hrăm hro\m hăng klin le\ tơlơi [ing ta [u dưi be\ ôh. Yua hnun, abih bang anom bruă amra hrăm hăng pơgang klin tu\ yua, prăp rơmet djop mơta gơnam pơgang klin, [ing c\ơđai hăng am^ ama [ing c\ơđai gum hro\m hăng sang hră.

Hơjăn amăng hrơi jơnum mut sang hră, ơi Phạm Đăng Khoa, Khua Gơnong bruă pơtô hăng pơjuăt bruă Dak Lak brơi thâo, Gơnong bruă hơmâo pok pơhai ako\ bruă, hơdră bruă c\i pơphun jơnum ngă lơphet lơ 5/9 klă hiam.

“{ing gơmơi hơmâo laih hră pơtô ba hơdôm boh sang hră gir prăp lui kơ [ing c\ơđai lơ\m mut sang hră. Kar hăng bruă dưm dăp anih hrăm hiư\m pă, kih rơmet sang hră hiư\m pă, biă `u le\ amăng mông klin duam ruă glăk hơmâo ră anai ngă gơmơi pơ[ut đing nao. Prăp lui pran jua jơnum mut thun hrăm phrâo amăng 60 mơnit đôc\, samơ\ tơlơi hok mơ-ak mơng [ing c\ơđai amăng hrơi anai le\ lu biă”.

Hăng tơlơi gơgrong bruă nao hlâo, anom bruă pơtô hăng pơjuăt bruă Dak Lak prăp lui klă laih kơ thun hrăm phrâo. Hơdôm boh sang hră prăp c\i c\ơkă thun hrăm phrâo mơ-ak mơ-ai, hơmâo lu tơlơi dưi ngă amăng bruă pơtô hăng hrăm.

Hương Lý: C|ih – Siu H’Mai: Pơblang