VOV4.Jarai - Tơlơi lăi pơthâo mơng Khul git gai pơgang klin tơring čar Dak Nông, 12 čô mơnuih bơdjơ̆ nao mơnuih ƀă klin mrô 28.474 (ƀơi tơring glông Krông Nô), pơčrang lăng tal 1 hăng RT-PCR. Hlâo anun, mơguah lơ 11/7, tơring čar Dak Nông hơmâo mơnuih ƀă klin Covid-19 lĕ đah kơmơi ƀă klin mrô 28.474, dŏ ƀơi tơring glông Krông Nô, glăi mơng ƀôn prong Hồ Chí Minh. Tơdơi kơ ƀuh pô anai ƀă klin, gơnong bruă ia jrao Dak Nông hơmâo pơphun pel ĕp ječ ameč, kiăo tui ĕp, pơčlah, mă ia khak, ia adung ƀing jê̆ giăm. Tui pơčrang lăng hăng RT-PCR ia adung mơng 12 čô mơnuih jê̆ giăm hăng mơnuih ƀă klin tal 1 lêng kơ huăi ƀă virus Sars-Cov2. Ră anai ƀing gơñu lêng kơ suaih pral, huăi ƀuh duam, pơtuk, tơnap suă jua ôh laih dong ƀing gơñu glăk pơčlah pơƀut ƀơi tơring glông Krông Nô.

Siu Đoan: Pơblang