VOV4.Jarai-Tom brơi, lơ 17/5, Gơnong bruă ia jrao tơring čar Dak Nông brơi thâo 4 čô mơnuih arăng đing đăo ƀă kman Covid 19 ƀơi plơi prong Gia Nghĩa, arăng mă ia khak ba pơčrang tal 2 ăt kŏn ƀuh lơi kman Sars-cov-2.

Hlâo kơ anun, tơdơi kơ hmư̆ lăi pơthâo kơ mơnuih ƀă kman tal 3141, hơmâo virus Sars-cov-2 laih, anom bruă ĕp lăng tơlơi duăm ruă tơring čar Dak Nông lăi pơthâo kơ abih bang brơi ĕp glăi tong ten hơdôm ƀing nao rai, jĕ giăm anih hơmâo klin mơnuih ƀă anun. Giong hơmâo tơlơi pơhing, sang anŏ N.Đ.H hơmâo 4 čô dŏ pơ phường Nghiã Đức, plơi prong Gia Nghĩa hơmâo nao pơ plơi pô mơnuih ƀă kman tal 3141, gơñu nao pơ sang ia jrao phường pơhaih kiăng dŏ pơčlah phara.

Hơdôm wơ̆t mă ia khak ba pơčrang lĕ tal sa lơ 9/5. Truh ră anai, anom bruă ia jrao mă ia khak tal dua ba pơcrang kman Covid 19 ăt ƀu ƀuh ôh. Ră anai, 4 čô mơnuih amăng sang anŏ ăt dŏ pơ anih pơčlah hăng hlăk krăo lăng djơ̆ tơlơi pơtrun mơ̆ng kơnuk kơna.

Nay Jek: Pơblang