VOV4.Jarai - Tlam lơ 13/7, tui hăng Khul git gai pơgang klin Covid-19 ƀơi tơring čar Dak Nông 80 čô mơnuih bơdjơ̆ nao 2 čô mơnuih ƀă klin mrô 28.474 hăng 31.604 pơčang lăng tal 1 hăng RT-PCR lêng kơ huăi ƀă klin Covid-19. Ră anai ƀing pô anai hơmâo ba pơčlah pơƀut hăng lêng kơ suaih pral. Hlâo anun, lơ̆m ƀuh mơnuih ƀă klin, tơring čar Dak Nông hơmâo pơphun pơčlah, guang dar sang dŏ ƀing mơnuih ƀă klin pioh pơgang klin Covid-19. Hrơi mông guang dar lĕ 14 hrơi, dong mơng hrơi ƀuh mơnuih ƀă kin hăng hluai tui tơlơi sit nik ră anai mơ̆ hrơi mông pơčlah amra sui ƀiă dong.

Siu Đoan: Pơblang