VOV4.Jarai-Kiăng pơđĭ tui boh tŭ yua Hơdră man pơdong plơi pla phrâo, ră anai, 22 boh să ngă djơ̆ tơhnal pơkă plơi pla phrâo tơring čar Dak Nông hơmâo pok pơhai akŏ pơjing mơ̆ng 2-4 hơbô̆ bruă ngă hmua gru phrâo. Bruă kiăng ngă akŏ pơjing đang hmua ba gru hlâo tui hăng hơdră ngă hmua rơgoh, ngă hmua yua kmơ̆k djah djâo mơnong hơdip kiăng pơđĭ kyar ngă hmua hơđong kjăp.

Bruă pok pơhai hơbô̆ bruă hmua ba gru phrâo lĕ ngă djơ̆ tơlơi pơtrun boh thâo ia rơgơi, mơ̆ng gŭ đĭ pơ dlông. Hlâo kơ ngă tui hơbô̆ bruă anai, djop gong gai plơi pla djru kơ pô hmua anun ngă djop tơlơi pơkă jing hmua hơbô̆ phrâo amơ̆i, kah hăng 5 tơhnal pơkă.

Biă mă ñu gơnam, boh troh mơ̆ng hmua anun khom hơdjă rơgoh, djop sang anŏ ngă hmua khom ngă tui 4 mơta tơlơi ƀu hơmâo, kah hăng ƀu mă yua kmơ̆k jrao ƀudah kmơ̆k eh rơmô mơtah, ƀu yua ia jrao tañ prong, ia jrao rơ̆k ôh, ƀu pơklŭk djuai phara bơblih pơjeh phrâo ƀu klă ôh, ƀu mă yua ia jrao arăng kom, ƀu rông hlô mơnong čem krư̆ amăng war ôh.

Nay Jek: Pơblang