VOV4.Jarai - Gơnong bruă ia jrao tơring čar Dak Nông brơi thâo, amăng rơwang hrơi tơjuh laih rơgao, đơ đam tơring čar pơphun tlâ̆o vaccine pơgang klin Covid-19 tal 2 thun 2021 ƀơi hơdôm anih tlâ̆o vaccine ƀơi sang ia jrao prong tơring čar hăng hơdôm sang ia jrao tơring glông, plơi prong. Ƀing mơnuih tlâ̆o lĕ ƀing djru amăng bruă pơgang klin Covid-19 hơmâo ƀing nai ia jrao,ơi ia jrao, ling tơhan, kông ang, anom bruă kiăo tui ĕp mơnuih jê̆ giăm hăng ƀing ƀă klin, ƀing djru bruă, ƀing mă tơlơi pơhing phrâo, ƀing wai lăng bruă sĭ mơdrô pơ tač rơngiao, ƀing wai lăng ƀơi hơdôm anih mut nao rai guai lŏn ia hăng ƀing wai pơgang klin jar kmar, ƀing mơnuih mơgăt rơdêh pơgiăng hyu tuai, ƀing mă bruă ƀơi hơdôm sang hră djru amăng bruă pơgang klin. Tui jŭ yap, đơ đam tơring čar hơmâo laih 13.452 čô mơnuih tlâ̆o 1 ară vaccine pơgang klin Covid-19. Tơdơi kơ tlâ̆o giong, ƀing mơnuih tlâ̆o đa duam, đa bơbrah ƀơi anih tlâ̆o samơ̆ ƀu hơmâo hlơi ôh ruă kơtang.

Siu Đoan: Pơblang