VOV4.Jarai - Mơmŏt lơ 16/7, tơring čar Dak Nông hơmâo dong 1 čô mơnuih ƀă klin Covid-19.  Anai lĕ mơnuih ƀă klin mrô 44.301 anăn L.H.D , thun tơkeng 1988, dŏ ƀơi ƀon Bu Boong, să Đăk N’Drung, tơring glông Đắk Song, Dak Nông. Tơdơi kơ ƀuh mơnuih ƀă klin anom bruă bơdjơ̆ nao hơmâo ba pô anai nao pơ anih pơčlah pioh pơjrao brơi mơnuih ƀă klin amăng tơring čar.

Laih dong pơčlah abih ƀing nao ia jrao pơčrang brơi pô anai ƀơi Sang ia jrao tơring glông Đắk Song. Gơnong bruă bơdjơ̆ nao ječ ameč kiăo tui ĕp 16 čô mơnuih jê̆ giăm hăng ƀing mơnuih bơdjơ̆ nao pô anai. Hrŏm hăng anun, anom bruă ia jrao pơphun pruih ia jrao jum dar sang pô anai, anih pơčrang lăng hăng hơdôm anih pô anai juăt weh nao amăng 3 hrơi giăm anai.

Siu Đoan: Pơblang