VOV4.Jarai - Tlam mơmot lơ 9/7, tơring čar Dăk Nông lăi pơthâo hơmâo sa čô mơnuih ƀă kman SARS-CoV-2 blung a, pô anai lĕ mơnuih mơgat rơdêh prong bưp lu mơnuih hyu tơkông glăm gơnam tam ƀơi graih rơdêh Miền Đông, ƀon prong Hồ Chí Minh, ăt phrâo pơsit ƀă kman laih. Pô đah rơkơi anai lĕ mơnuih ƀă kman blung a ƀơi Dăk Nông, hăng mrô yap mơnuih ruă 26004, tơkeng thun 1995, dŏ ƀơi tơring kual Krông K’ma, tơring glông Krông Bông, tơring čar Dăk Lăk. Tui hăng bruă pơčrang kman amăng 1 5 hrơi giăm anai, pô anai lĕ mơnuih juăt dŏ giăm hăng ƀing ƀă kman SARS-CoV-2 ngă bruă tơkông glăm, ba hyu gơnam ƀơi graih rơdêh Miền Đông, ƀon prong Hồ Chí Minh. Tơdơi kơ hmư̆ hing, Anom git gai pơgang klin Covid-19 tơring čar Dăk Nông mă ia dung, ia khak pơčrang lăng mơtăm. Lơ 9/7, pơčrang kman hăng RT-PCR brơi ƀuh hơmâo kman SARS-CoV-2. Ră anai pô ruă ăt suaih pral mơn. Tơring čar Dăk Nông ngă hră brơi dŏ pơčlah ha anih hăng ƀing dŏ jê̆ giăm pô ƀă klin anai ƀơi tơring glông Dăk R’Lấp.

Siu H’Mai: Pơblang