VOV4.Jarai - Thuận Hà, Thuận Hạnh le\ 2 boh să [ơi guai lo\n ia mơng tơring glông Dak Song, tơring ]ar Dak Nông. Ha thun rơgao, lơ\m ling tơhan kông ang hơmâo pơkiăo nao mă bruă [ơi hơdôm boh să, [ing ngă soh [ơi Dak Song plai [iă laih; lu bruă bơdjơ\ nao ma túy ăt hơmâo arăng mă abih, djru mơnuih [on sang hơđong pran jua bơwih [ong huă, ngă giong bruă man pơdong plơi pla phrâo [ơi guai lo\n ia.

Sang ano\ ơi Đoàn Văn Lộc [ơi thôn 8 să Thuận Hà, tơring glông Dak Song, tơring ]ar Dak Nông le\ anih pioh teng rơnuk rơnua. Lơ\m hơmâo bruă hơget kiăng lăi pơhmư\ le\ `u taih teng kiăng abih bang mơnuih thâo. ~u brơi thâo, mơng hrơi hơmâo teng, arăng huăi dop asâu dong tah, laih anun huăi hơmâo lơi tuai mơng pơko\n [u thâo krăn [ô| mơta mut nao pơ plơi pla. Biă `u, mơng hrơi hơmâo kông ang glăi mă bruă [ơi să, tơlơi rơnuk rơnua hơmâo pơhlôm, djru neh met wa hơđong pran bơwih [ong huă.

“{ơi `u hơmâo 5, 6 c\ô đ^ rơdêh pơgiăng gơnam do\ glăi pơ anai, gơ`u glo\m nao boh pơtâo pơ sang kâo. Anun jing kâo weh nao taih teng, gơ`u đuăi briăo mơtăm, ană plơi tơbiă rai [ơi jơlan mơn, tui anun djơ\ biă. Hlâo adih arăng dop asau, taih hla [ai [ong prăk [ơi anai lu biă mă, anun dong hơmâo kuan bi-a [ơi jơlan weh 3 c\răn, tơdăm dra mơ`um tơpai, pơrơtaih mơ-ai yơh. Samơ\ mơng hrơi hơmâo kông ang apăn bruă glăi pơ să le\ gơmơi hơđong pran yơh, hơdôm bruă tui anun [u hơmâo dong tah ră anai”.

Tui hăng Thượng uý Lê Ngọc Anh, Kơ-iăng khua Kông an să Thuận Hà, ngă tui klă hơbô| bruă pơgang [ing ngă soh kah hăng jua teng rơnuk rơnua, grup wai lăng mă pô...jing hơdôm bruă blung a [ing ling tơhan hơmâo ngă lơ\m glăi mă bruă pơ să blan 3/2020. Kông ang să Thuận Hà pơphô brơi gong gai wai lăng rơnuk rơnua, pơgăn [ing ngă soh mơng kual plơi pla mơtăm hlâo:

“Rim boh plơi hơmâo 2 boh teng, hơmâo 1 grup wai lăng 8 c\ô, yua kông an plơi pla ngă khua grup, hơmâo mơnuih [on sang gum ngă tom. Mơng anun le\ amăng plơi hơđong, mơng anun ană plơi pla đăo gơnang, lăi pơhmư\ kơ [ing kông ang să lơ\m hơmâo bruă hơget thơ”.

Hơmâo kông ang să apăn bruă, ană plơi đăo gơnang, anun le\ pran jua hro\m mơng neh met wa [ơi guai lo\n ia 2 boh să Thuận Hà hăng Thuận Hạnh, tơring glông Dak Song, Dak Nông. {u kơnong pơgăn plai [iă hơmâo pô ngă soh, pơsir ta` hră pơ-ar đôc\ ôh mơ\ kông ang apăn bruă glăi pơ să hơmâo lu bruă mă jê| giăm hăng mơnuih [on sang.

Hăng [ing tha le\ juăt nao tơ`a bla, [ing hlăk ai le\ pơtruh nao rai hăng plang zalo, anun le\ hơdră mơ\ kông ang să Thuận Hạnh glăk ngă. Thượng uý Nguyễn Đình Hưng, Kơ-iăng khua kông ang să Thuận Hạnh brơi thâo, yua hơmâo ană plơi mơn gơ`u mơng dưi pơgăn [ing ngă soh, pơhlôm hơđong kơjăp amăng plơi pla laih anun amăng thun anai hơmâo ngă hro\m phă pơrai 5 wơ\t tơlơi ngă soh gah ma tuý, hơmâo [uh, pơgăn h^ bruă arăng pla phun cần sa [ơi guai lo\n ia:

“Ayong adơi kông ang să lăi pơhmư\ kơ Ping gah, Jơnum min mơnuih [on sang să lu hơdră bruă pơkơdong glăi [ing ngă soh. Hmư\ hing hloh le\ bruă mă yua zalo pơtruh nao rai lăi pơthâo tơlơi rơnuk rơnua hơđong kơjăp, tal dua le\ hơbô| bruă plơi pla huăi hơmâo tơlơi soh gah ma tuý. Pơ anăp anai le\ gơmơi amra pok pơhai abih bang [ơi djop plơi, pơ[ut pơgang [ing ngă soh gah ma tuý, yua anun yơh phun `u pơjing rai lu mơnuih [u klă”.

Kông ang să Thuận Hạnh ngă hro\m hăng ling tơhan hyu e\p [uh, phă pơrai 183 phun cần sa pla plah amăng đang kơphê.

Thượng tá Nguyễn Đức Thuỳ, Khua kông ang tơring glông Dak Song, tơring ]ar Dak Nông brơi thâo, ngă tui ako\ bruă ba kông ang apăn bruă glăi mă bruă [ơi kông ang să, amăng ha thun rơgao, abih bang 9 boh să mơng tơring glông hơmâo pơkiăo nao 54 c\ô kông ang apăn bruă glăi mă bruă, rơgao 8% pơhmu hăng ako\ bruă. Boh than hmư\ hing le\ pơgăn [ing ngă soh klă hloh, sut lui tơlơi soh gah ma tuý amăng kual djuai ania [iă.

“Tơdơi kơ pok pơhai bruă truh ră anai, tơlơi rơnuk rơnua [ơi plơi pla klă laih, bruă pơkơdong [ing ngă soh pơđ^ tui rơđah tơđông, biă `u pơkơdong glăi [ing ngă soh gah ma tuý; hrơi blan rơgao, gơmơi hơmâo mă 27 wơ\t hăng 49 cưô mơnuih blơi s^ jrao ma tuý. Laih dong mơng hơmâo tơhan kông an să apăn bruă le\ arăng dop gơnam plai [iă mơn, giong anun hyu e\p [ing dop gơnam ta` [uh mơn, gơ`u hơduah e\p pô dop gơnam lu biă mă, hơmâo 10 truh 16 wơ\t arăng do\p gơnam, mơ\ mơng hlâo le\ e\p [u [uh pô ôh. Biă `u, jing 2 boh să guai lo\n ia, tơhan kông ang ăt gir hmư\ tơhnai, e\p [uh lu bruă ngă soh, amăng anun hơmâo bruă hyu e\p [ing pla phun hơmâo jrao ma tuý anun le\ phun cần sa”.

Pơhlôm rơnuk rơnua plơi pla, hơđong kơjăp rơnuk rơnua amăng plơi pla, djru mơnuih [on sang [ơi guai lo\n ia Dak Song hơđong pran pơđ^ kyar bơwih [ong huă, man pơdong plơi pla phrâo. Thun rơgao, Thuận Hạnh hơmâo pơsit anăn să plơi pla phrâo mơng Dak Nông.

Să guai lo\n ia Thuận Hạnh ngă giong hơdră man pơdong plơi pla phrâo.

Pla a`ăm pơtăm [ơi guai lo\n ia să Thuận Hà.

Thun anai, să Thuận Hà ăt glăk gir dưi ngă giong jơlan hơdră anai mơn. Anai le\ tơlơi dưi ngă kiăng bơni biă mă mơng gong gai hăng mơnuih [on sang gah guai lo\n ia Thuận Hà, Thuận Hạnh, tơring glông Dak Song, Dak Nông.

Minh Huệ: C|ih – Siu H’Mai: Pơblang