VOV4.Jarai - Jơnum min mơnuih ƀon sang tơring čar Dak Nông phrâo hơmâo hră pơtrun kơ akŏ bruă amăng pơphun wai lăng, pơgăn mơnuih mut rai ča čot mơng dêh čar Kur. Tui anun, gơnong bruă ia jrao gơgrong na nao, gum hrŏm hăng hơdôm anom bruă bơdjơ̆ nao hyu pel ĕp anih man pơdong, pơjing hơdră bruă man pơkra sang ia jrao pơjrao mơnuih ƀă klin Cơvid-19 tơdah hơmâo amăng tơring čar. Gơnong bruă ia jrao pơtô brơi bruă phaih gah ia jrao, djru lơ̆m pơphun hyu tir, wai gak kơtuai tui jơlan guai lŏn ia hăng hơdôm jơlan mrô 14,28 kiăng kơ wai lăng kjăp mơnuih, rơdêh mơng tơring čar pơkŏn mut nao. Hrŏm hăng tơlơi git gai, črâo ba, ngă klă bruă tlâ̆o vaccine pơgang klin pơhlôm rơnuk rơnua, djơ̆ mơnuih tui tơlơi pơkă mơng din jum ia jrao, gơnong bruă ia jrao gum hrŏm hăng hơdôm anom bruă bơdjơ̆ nao pơphô bruă Jơnum min mơnuih ƀon sang tơring čar djru prăk kak, gơnam măi mọ gah ia jrao, prap djru brơi tơring čar Mondulkiri (Kur) amăng pơgang klin Covid-19.

Siu Đoan: Pơblang