VOV4.Jarai - Jơnum min mơnuih ƀon sang tơring čar  Daklak phrâo pơsit kơ bruă jao rơnoh prăk tuh pơ alin pơđĭ kyar mơng ngăn drăp tơring čar kiăng kơ pơpha mă yua amăng jơlan hơdră tui hơnong pơkă dêh čar amăng man pơdong plơi pla phrâo, akŏ bruă thun 2021. Tui anun, abih tih rơnoh prăk amra mă yua lĕ 180 klai prăk. Jơnum min mơnuih ƀon sang tơring čar jao hơdôm anom bruă bơdjơ̆ nao pơphun ngă tui akŏ bruă pơhlôm djơ̆ hơnong pơkă mơng Jơlan hơdră anai. Jơnum min mơnuih ƀon sang tơring čar  hơdôm tơring glông, plơi prong hluai tui mrô prăk anai pơpha mă yua hăng hơdôm kơčăo bruă man pơdong hơmâo tŭ yap lăi pơthâo tong ten bruă man pơkra mơng rĭm ring bruă. Hơdôm anom bruă tuh pơ alin hluai tui mrô prăk pơpha mă yua, jak iâu mơnuih ƀon sang gum hrŏm kiăng kơ pơphun bruă duh prăk djơ̆ hăng tơlơi pơkă.

Siu Đoan: Pơblang