VOV4.Jarai -  Tui hăng mrô yap mơng Gơnong bruă ia jrao tơring čar Daklak, amăng abih bang mrô 325 čô mơnuih ƀă kơman Covid-19 tơbiă mơng sang ia jrao amăng hơdôm hrơi rơgao, čih hmâo 20 čô mơnuih ƀa glăi kơman klin. 20 čô mơnuih ƀă kơman dưi thâo ƀơi plơi prong Buôn Ma Thuột hăng 5 bôh tơring glông lĕ Buôn Đôn, Ea Hleo, Krông Bông, Čư̆ Kuiñ hăng Ea Kar. Amăng anun, tơring glông Čư̆ Kuiñ hmâo mrô mơnuih ƀă kơman lu hloh 5 čô mơnuih. Lăp đing nao, amăng mrô anai hmâo sa čô ƀơi să Ea Wer tơring glông Buôn Đôn dưi pơsit ƀă glăi kơman tưp truh kơ mơnuih amăng sang anô̆. Ơi ia jrao Châu Đương, Khua Sang ia jrao pơjrao pơtuk drah hăng tơlơi ruă kơsô̆ tơring čar Daklak brơi thâo, tui hăng tơlơi pơtô ba mơng Ding jum ia jrao, hơdôm mơnuih anai tơdah pơčrang lăng glăi mơ̆ pô ƀă kơman klin hmâo kơman lu hloh dong thơ, amra lar tưp hyu kơ pô pơkon, amra dưi ba nao pơ̆ anom pơjrao kiăng pơjrao dong hăng dô̆ čơlah tui tơlơi pơkă./.

Siu H’ Prăk: Pô pơblang