VOV4.Jarai - Tơdơi rơbêh kơ 1 thun pok pơhai, Rơwang bruă djru pok pơhai hơdôm tơlơi pơgang ba glăi bôh tơhnal hăng kơja\p phik kơ pơgang, pơgăn ia [lung [ơi tơring ]ar Daklak yak blung a ba glăi laih bôh tơhnal.

{ơi hơdôm bôh să hmâo rơwang bruă, mrô ]ơđai muai thâo luai ia hăng dưi hrăm hơdôm bôh thâo pơhlôm amăng anih anom hmâo ia jai hrơi jai lu.

Tơlơi pơmin mơng am^ ama ]ơđai hăng ]ơđai sang hră kơ pơhlôm pơgang pơgăn ia [lung dưi pơđ^ tui rơđah rơđông.

Tal pơdơi prong thun anai phrâo pơphun, adơi Đinh Tuấn Duy, ]ơđai sang hră gưl 2 Nguyễn Đức Cảnh, să Ea Kmut, tơring glông Ea Kar, juăt hrom hăng ayong `u nao luai ia.

Duy thâo luai mơng bơyan pơdơi prong thun hlâo, bơ\ adơi đah rơkơi `u ăt glăk amăng tal hra\m yua “Rơwang bruă djru pok pơhai hơdôm bruă pơgang ba glăi bôh tơhnal hăng kơja\p phik kiăng pơgang pơgăn ia [lung [ơi ]ơđai muai [ơi Việt Nam” pok pơhai. Duy brơi thâo, hrăm luai hmâo ako# tlôn hmâo bôh tu\ yua lu biă.

“Amăng tal hrăm `u dưi hmâo thâo lu bôh thâo kah hăng lom [ah pran le\ khom ngă hơget kiăng đung đ^ hăng dlông, dưi djă pioh sui, thâo hơdră luai nao pơ\ hang ia hăng amra djă pioh pran lom do# luai, hmâo bôh tu\ yua biă lom [ing gơyut tơbiă mơng kual hmâo lu dơnao ia, ]roh hnoh, lom [u bưng tơbor le# trun amăng ia akă dưi pơgang pơgăn.

Hrom hăng anun ăt pơplih mơn pran jua tơlơi suaih pral mơng ]ơđai sang hră yua kơ nao luai ia sa bruă mă klă djru pơđ^ tui tơlơi suaih pral”.

Rơwang bruă [ơi Daklak hrưn đ^ dưi pok 40 anih pơtô luai ia kơ 800 ]ô ]ơđai

Hăng sa anih anom hmâo lu dơnao ia, bơnư\, anun tơlơi ia [lung [ơi ]ơđai muai amra mơmri do# krăp ngă hơdôm bôh sang ano# hmâo ană anet [ơi tơring glông Ea Kar bơngot.

Yua anun yơh, lom hmư\ hing hmâo rơwang bruă pơgang ia [lung [ơi [ing ]ơđai dưi pok pơhai hăng hơdôm anih hrăm luai ia dưi pơphun, lu am^ ama ]ơđai amăng tơring glông hmâo ngă hră rơkâo brơi kơ ană pô nao hrăm. Amai Nguyễn Thị Khánh, [ơi să Ea Kmut, tơring glông Ea Kar, lăi pơthâo:

“Rơgao kơ rơwang bruă hrăm luai ia mơng kơnuk kơna dưi djru kơ [ing ]ơđai luai ia amăng tal hrăm anai. Rơgao kơ bruă hrăm luai ia dưi hmâo [ing nai pơtô brơi, kâo [uh bôh thâo luai ia mơng ană kâo pơplih klă biă hăng `u ăt khin hơtai mơn djru gơyut lom hmâo tơlơi ia [lung truh”.

Pơphun gru\p [ơi sa dua bôh tơring glông ăt hmâo gum hrom pơphun mơn hơdôm anih pơtô luai ia brơi đo#] kơ ]ơđai muai amăng tal pơdơi prong thun anai            

Tui hăng Gơnong bruă wai lăng mơnuih mă bruă, tơhan rơka ruă hăng mơnuih mơnam tơring ]ar Daklak, mơng thun 2019, lom rơwang bruă “Djru pok pơhai hơdôm bruă pơgang ba glăi bôh tơhnal hăng kơja\p pioh pơgang pơhlôm hlâo, pơgăn ia [lung [ơi ]ơđai [ơi dêh ]ar Việt Nam” dưi pok pơhai, Gơnong bruă hmâo ruah laih 8 bôh să mơng tơring glông Ea Kar kiăng pơphô hlâo.

Rơgao kơ anun hmâo pơphun pok 40 bôh anih pơtô luai ia pơhlôm brơi 800 ]ô ]ơđai muai, hăng 704 ]ô ]ơđai hrăm thâo; pơphun pơhra\m pơđ^ tui tơlơi pơmin ia [lung kơ 1.200 ]ô ]ơđai muai, 400 ]ô am^ ama ]ơđai hmâo ană anet gah yu\ kơ 6 thun hăng 60 ]ô nai pơtô ]ơđai anet; pơhra\m pơtô luai ia kơ 11 ]ô mơnuih pơhra\m brơi ]ơđai, 45 ]ô nai pơtô ]ơđai sang hră hăng pơkiăo nao 10 ]ô nai pơhra\m bơkơja\p drơi jăn nao hrăm dơlăm hloh kơ luai ia; dưm truă anih kom, hnal lăi pơhing [ơi 12 bôh dơnao ia, ]roh hnoh [ơi tơring glông.

Ơi Nguyễn Duy Tuyết, Khua Anom pơgang ba mơnuih mơnam, Gơnong bruă wai lăng mơnuih mă bruă, tơhan rơka ruă hăng mơnuih mơnam tơring ]ar Daklak brơi thâo, thun anai, rơwang bruă hrưn đ^ pơphun hmâo 40 anih pơtô luai ia pơhlôm kơ 800 ]ô ]ơđai muai amăng tơring ]ar.

Hrom hăng anun, Gơnong bruă ăt glăk pơphô brơi mơn kiăng pơtrut pơsur hơdôm ngăn rơnoh gum hrom pioh pok pơhai ba glăi bôh tơhnal jơlan hơdră pơgang, pơgăn ia [lung [ơi [ing ]ơđai muai.

“Tuh pơplai pơkra dơnao ia pioh luai ia amăng hơdôm bôh să, phường le\ tơnap biă, yua anun to# tui tal anai le\, amăng rơwang 2020-2021 [ing gơmơi rơkâo pok prong dong.

Rơngiao kơ rơwang bruă anai, [ing gơmơi hmâo pơphô brơi Jơnum min mơnuih [ôn sang tơring ]ar ]râo ba hơdôm gơnong bruă hmâo tơlơi gal pơphun pơtrut pơsur, mơnuih mơnam pơplih phrâo bruă anai pioh kơ hơdôm bôh tơring glông hmâo tơlơi gal gah anih anom pioh luai ia, do# glăi hơdôm bôh tơring glông tơnap tap akă hmâo tơlơi gal le\ pơphô brơi hơdôm gưl gơnong bruă, biă `u hơdôm bôh anom bơwih [ong s^ mdrô gum tơngan hrom pơdo\ng anih anom mă yua kiăng pơtô luai ia kơ [ing ]ơđai muai đah mơ plai [ia\ hmâo tơlơi ia [lung [ơi tơring ]ar”.

Hăng hơdôm bôh tơhnal yak blung a mơ\ rơwang bruă hmâo ba glăi, jơlan hơdră pơgang, pơgăn ia [lung glăk dưi pok pơhai pơhư prong [ơi Daklak.

Bơyan pơdơi prong thun anai, [ơi sa dua bôh să kual ataih, asuek amăng tơring glông Krông Pa], Krông {uk hăng }ư\ Mgar, hrom hăng Anom bruă wai lăng mơnuih mă bruă, tơhan rơka ruă hăng mơnuih mơnam tơring glông, pơphun Khul hlăk ai hmâo pơtrut pơsur hơdôm ngăn rơnoh djru gum [udah gum hrom hăng hơdôm anih hmâo dơnao ia pioh luai mơnuih [ôn sang pok sa anih pơhra\m luai ia brơi đo#] kơ ]ơđai muai.

Rơgao kơ hơdôm anih hrăm anai, [ing ]ơđai dưi prăp brơi kơ pô hơdôm bôh thâo phun hăng hơdră pơsir pơhlôm amăng ia. Anai ăt le\ tơlơi gir run kiăng plai [ia\ tơlơi ia [lung amăng tơring ]ar./.    

H’ Xíu H’mốc pô ]ih – Siu H’ Prăk pô pơblang