VOV4.Jarai - Tlam lơ 4/11, tui tơlơi lăi pơthâo mơng Anom bruă ia jrao tơring glông Krông Năng, tơring čar Daklak amăng tơring glông phrâo ƀuh dong 63 čô mơnuih pơčrang lăng ƀă virus Sars-Cov2 ƀơi ƀuôn Wik, ƀuôn Đê hăng ƀuôn Giêr, să Ea Hồ.

Hlâo anun, amăng mơguah lơ 3/11, tơdơi kơ ƀuh 2 čô čơđai sang hră amăng să Ea Hồ ƀă virus Sars-cov2 amăng lơ 1/3, anom bruă bơdjơ̆ nao hơmâo kiăo tui ĕp mơnuih jê̆ giăm hăng 2 čô čođai ƀă virus Sars-Cov2 anai. Pok prong anih kiăo tui ĕp ƀing jê̆ giăm hăng mơnuih ƀă klin, sang ia jrao tơring glông Krông Năng ƀuh ƀing mơnuih ƀă klin lêng bơdjơ̆ nao anih mơyut jôk ƀơi să Ea Hồ amăng lơ 29/10. Ră anai bruă kiăo tui ĕp, pơčrang lăng  amăng 3 boh ƀuôn glăk pơphun ječ ameč.

Siu Đoan: Pơblang