VOV4.Jarai - Tơlơi pơhing mơng Grŭp črâo ba pơgang pơgăn klin Covid-19 tơring čar Daklak, lơ 22/7, đơ đam tơring čar čih hmâo dong 10 čô mơnuih ƀă kơman Sars-CoV-2, đĭ tui mrô mơnuih ƀă kơman klin ƀơi tơring čar truh kơ 47 čô mơnuih.

Amăng 10 čô phrâo anai hmâo sa čô ƀơi să Ea Bung, tơring glông Ea Sup, F1 mơng hơdôm mơnuih ruă ƀơi tơring glông anai; sa čô ƀơi plơi prong Buôn Ma Thuột, F1 pô ruă N.T.H ƀơi sang rơdêh Tiến Oanh; 3 čô ƀơi să Ea Ktur, tơring glông Čư̆ Kuiñ, F1 mơng hơdôm mơnuih ƀă kơman hmâo čih pioh hlâo kơ anun. Rơngiao kơ anun, ƀơi tơring glông Ƀuôn Đôn ăt čih hmâo mơn sa čô mơnuih lĕ T.N.B.T, tơkeng thun 2012, ƀơi thôn 2, să Čuôr Knia, tơring glông Buôn Đôn, hmâo bôh than klin ngă pơwot glăi mơng tơring čar Bình Dương. Ƀơi tơring glông Krông Ƀuk ăt hmâo čih mơn pô blung a ƀă kơman Sars-CoV-2. Pô ruă lĕ V.T.P.K, tơkeng thun 1992, ƀuôn Adrơng Điết, să Čư̆ Pơng, pô hmâo bôh than klin ngă pơwot glăi mơng Bình Dương. Tui anun, truh čơtlăm lơ 22/7, đơ đa tơring čar Daklak hmâo laih 11/15 bôh tơring glông, plơi prong čih hmâo hơdôm mơnuih ƀă kơman Sars-CoV-2./.

Siu H’ Prăk: Pô pơblang