VOV4.Jarai - Tui hăng Grŭp črâo bruă pơgang, pơgăn klin Covid-19 tơring čar Daklak, amăng lơ 6/8, đơ đam tơring čar čih hmâo dong 17 čô mơnuih ƀă kơman Sars-CoV-2 ƀơi 8 bôh tơring glông, plơi prong. Đĭ tui mrô mơnuih ruă mơng tơring čar truh kơ 347 čô mơnuih.

Hăng 6 čô mơnuih phrâo ƀă amăng sa hrơi, truh ră anai, tơring glông Krông Bông hmâo laih 53 čô mơnuih ruă hăng jing anih anom hmâo mrô mơnuih ruă lu hloh, hăng 66 čô mơnuih ƀă. Amăng mrô 17 čô mơnuih phrâo ƀă amăng hrơi anai, hmâo 3 čô F1 mơng hơdôm mơnuih ruă dưi čih pioh hlâo kơ anun. 14 čô dô̆ glăi čih amăng plơi pla, hmâo bôh than mơng ƀôn prong Hồ Chí Minh hăng tơring čar Bình Dương. Hrom hrơi anun mơn, Gơnong bruă ia jrao tơring čar Daklak hmâo ƀơk brơi hră tơbiă mơng sang ia jrao kơ pô ruă mrô 51.261 ƀơi ƀôn Nắc, să Ea Bông, tơring glông Krông Ana. Tui anun, tơring čar Daklak hmâo laih 8 čô mơnuih ruă ƀă Covid-19 suaih ruă hăng tơbiă mơng sang ia jrao./.

Siu H’ Prăk: Pô pơblang