VOV4.Jarai - Lơ 11/8, tơring čar Daklak čih hmâo dong 18 čô mơnuih ƀă Covid-19 đĭ tui mrô mơnuih ƀă kơman ƀơi tơring čar truh 464 čô mơnuih. Amăng mrô 18 čô mơnuih anai lĕ pơ̆ tơring glông Krông Bông hmâo lu hloh 7 čô mơnuih, kiăo tui anun lĕ tơring glông Krông Pač hăng 5 čô mơnuih. Abih bang hơdôm mơnuih ƀă kơman tưp mơng hơdôm mơnuih ruă dưi thâo hlâo kơ anun.

Klin Covid-19 ƀơi Daklak glăk hmâo jơlan gah lar hyu tañ ƀơi hơdôm bôh să kual asuek, ataih, anih mă bruă pơgang, pơgăn klin dô̆ pơdah lui raih, dô̆ čơlah mơnuih mơnam ƀu kơjăp, hơdôm mơnuih glăi mơng anih klin ngă dô̆ čơlah ƀu pơhlôm tui tơlơi pơkă. Ăt amăng lơ 11/8, hmâo 24 čô mơnuih ruă ƀă kơman Covid-19 ƀơi Daklak dưi tơbiă mơng sang ia jrao, đĭ tui mrô mơnuih suaih ruă hăng dưi tơbiă mơng sang ia jrao truh 54 čô mơnuih. Tui anun, tơring čar Daklak truh ră anai dŏ hmâo 409 čô mơnuih glăk dô̆ pơjrao, amăng abih bang mrô 464 čô mơnuih ƀă kơman Covid-19./.

Siu H’ Prăk: Pô pơblang