VOV4.Jarai - Khua gơnong bruă ia jrao tơring čar Daklak brơi thâo, tơring čar anai phrâo hơmâo dong sa čô mơnuih ƀă virus Sars-Cov2 lĕ mơnuih glăi mơng ƀon prong Hồ Chí Minh. Mơnuih ƀă klin lĕ Đ.H.Đ, thun tơkeng 1993, dŏ ƀơi plơi Ea Duất, să Ea Wer, tơring glông Buôn Đôn, tơring čar Daklak. Ayong Đ. lĕ kông nhơn kông ti glit kơdung Quảng Huy, ƀơi mrô sang 894 jơlan mrô 1A, phường Bình Trị Đông A, kuận Bình Tân, ƀôn prong Hồ Chí Minh.

Ră anai gơnong bruă ia jrao Daklak hơmâo ba nao pơčlah hăng mă ia adung pơčrang lăng 18 čô mơnuih lĕ F1 hăng ayong Đ. Anai lĕ ƀing mơnuih bưp ayong Đ. lơ̆ ñu nao pơ sang ia jrao phaih hăng pơčrang lăng drơi jăn hlâo anun. Anom bruă ia jrao tơring glông Buôn Đôn ăt pơphun pruih ia jrao jum dar đang hmua sang anŏ ayong Đ. hăng Sang ia jrao să Ea Wer.

Siu Đoan: Pơblang