VOV4.Jarai-Hơdôm thun giăm anai, [ơi anăp kơ tơlơi pơthâo kơtang đơi ano\ ngă hơ[ak jrak ayuh hyiăng hăng mơnong [ong huă [u hơdjă rơgoh, lu tơdăm dra hlăk ai [ơi tơring ]ar Daklak hơmâo hơtai bơblih bruă tuh pơ alin pơđ^ kyar hơbo# bruă ngă hmua rơgoh.

Hăng tơlơi pơmin hơmâo hơtai, khin ngă, lu hlăk ai lui h^ bruă mă hơđong amăng [irô kơnuk kơna glăi ngă hmua pla mơnong mơnuă tui hơdră hơdjă rơgoh.

Hơdră ngă anai, [u kơnong pơsir bruă mă, pơđ^ hơnong pơhrui glăi prăk kăk đô] ôh, do\ pơjing rai mơnong [ong huă, a`ăm pơtam hơdjă rơgoh kơ mơnuih blơi yua.

Dơ\ng mơ\ng glăk do\ hrăm hră, Nguyễn Thế Hạnh pơ thôn 8, să }ư\ Êbur, plơi prong {uôn Ma Thuôt, tơring ]ar Daklak hơmâo tơlơi kiăng jing sa ]ô mơnuih ngă hmua, ngă tui boh thâo ia rơgơi, pơjing rai mơnong [ong huă hơdjă kơ mơnuih blơi yua.

Thun 2012, tơdơi kơ hrăm giong gah bruă pla pơjing, Sang hră gưl prong Ngă đang hmua [on prong Hồ Chí Minh, kỹ sư Nguyễn Thế Hạnh hơmâo rơkâo nao ngă bruă pơ sa boh kông ty ngă hrom dêh ]ar Japan amăng bruă ngă hmua.

Tơdơi kơ 5 thun hrăm tui tơlơi thâo thăi hăng bruă tom găn rơgao, `u pơsit glăi apah 1 ektar mơkrah lo\n hmua pla a`ăm hơdjă tui hơnong pơkă VietGap [ơi plơi pla pô.

Truh ră anai, hmua đang a`ăm `u, sa blan pe\ s^ 600 kg a`ăm hơdjă rơgoh, lu mơta kah hăng a`ăm [âo, a`ăm hơbơi salat, plui, hơdă, boh gêt, a`ăm hơbơi hla rui, hla uă, a`ăm pia, a`ăm diăn, karôt….hơmâo kơmlai 25 klăk prăk.

Ayong Nguyễn Thế Hạnh brơi thâo, amra pok prong đơ đam hmua thun blan pơ anăp.

‘’Kâo [uh a`ăm pơtam rơgoh amăng tơring ]ar ta do\ [iă đơi, tơlơi ]ang rơmang mơ\ng kâo hă pok prong đang hmua pla a`ăm pơtam rơgoh hơdjă pioh ba s^ mơdrô kơ djop sang hră, brơi kơ [ing ană amôn hơmâo a`ăm [ong hơdjă rơgoh.

Pơ anăp anai, kâo gir hloh djă bong đang a`ăm 1 ektar mơkrah anai laih anun pơđ^ tui 2 ektar dơ\ng’’.

Hơmâo laih bruă mă hơđong pơ [on prong Hồ Chí Minh, samơ\ thun hlâo, Nguyễn Thị Hồng Nhi lui h^, glăi pơ plơi pla pô ako\ pơdong anih anom s^ mơdrô a`ăm pơtam rơgoh [ơi să Ea Ana, tơring glông Krông Ana, tơring ]ar Daklak.

Nhi brơi thâo, [ơi să Ea Ana lu sang ano\ ngă bruă pla a`ăm, khă hnun lu kơ mơnuih pla tui hơdră hơđăp anun mơboh [u lu ôh, laih dơ\ng kơnang kơ ayuh hyiăng lo\n adai đô].

Kiăng pơsir tơlơi anun, anom djru pơsir hăng blơi laih anun s^ mơdrô a`ăm pơtam rơgoh mơ\ng Nguyễn Thị Hồng Nhi hơmâo ako\ pơdong, kiăng pơtô brơi kơ mơnuih ngă hmua pla a`ăm, pla hăng ia laih anun pla hăng lo\n đang, tui hơdră phrâo, mă yua boh thâo phrâo ia rơgơi pla a`ăm.

‘’Sang ano\ gơmơi ngă hmua đô] anun yơh ta pơmin yua hơge\t ta đuăi nao mă bruă pơ [on prong ataih mơ\ng sang ano\, yua hơge\t ta [u ako\ pơdong bruă mă amăng sang ano\, plơi pla pô mơtam.

Kâo [uh pơ Daklak ngă hmua pla pơjing lu phun boh troh kyâo pơtâo sui thun, samơ\ ta kiăng hơmâo jơlan nao pha ra hăng arăng, pơ [on prong ataih arăng ngă laih hlâo, hnun mơ\ yua hơge\t ta [u ngă tui pơ plơi pla ta pô koh.

Djơ\ biă [u djơ\ lăi gơ`u [u hơmâo tơlơi gêh gal ôh, yua kơ aka [u hơmâo hơdră phrâo đô]. Kâo pơmin tui anun, anun yơh kâo pơsit ngă tui mơtam’’.

Pro# tơdăm pram dra pơ să giăm guai dêh ]ar ]i Ia Tmôt, tơring glông Ea Sup, lo\n tơnah krô kra` [u jing mơnong ôh, [u gêh gal kơ bruă ngă hmua pla pơjing, tơdăm Nguyễn Quốc Cường hơmâo găn rơgao lu bruă mă pha ra, dơ\ng mơ\ng mơgăt rơdêh truh kơ hyu s^ hră pơhlôm nua samơ\ pơhrui glăi [u hơđong ôh.

Rơnu] thun 2015, lơ\m hơmâo anom bruă hlăk ai mut phung tơring glông Ea Sup brơi nao e\p lăng anih pla bơmao pơ tơring glông Krông Ana, Cường glăi ngă bruă pla bơmao mơtam, `u pla bơmao adrăng pơđ^ kyar bơwih [ong huă.

Bruă ngă anai huăi bơbe] mơ\ng ayuh hyiăng ôh, ta pơgang mă ano\ djrưh, pơ-iă [udah tơ-ui, pla bơmao jing biă mă.

Laih dơ\ng adrăng pơdai hơmâo baih hlâo [ơi Ea Sup, bơmao le\ mơnong [ong s^ lu mơnuih hor blơi.

Truh ră anai, Cường hơmâo pla 400 met karê đang bơmao ngă hnu\m, r^m blan hơmâo kơmlai 50 klăk prăk, pơsir bruă mă kơ 8 ]ô mơnuih, [ong prăk blan dơ\ng mơ\ng 3 klăk truh 4 klăk mơkrah sa blan.

‘’Ră anai, mrô mơnong mơnuă a`ăm bơmao aka [u lu ôh, anun yơh bơmao asăt đô] arăng blơi, anăp nao pơ d^ da gla kơ`, tơdah [ing ngă bruă hrom lu hloh amra pơjing bơmao [hu krô.

Ră anai, bơmao ba s^ mơdrô aka [u lu ôh, ăt do\ kơ[ah, nua hơđong mơn, lơ\m sa kg dơ\ng mơ\ng 60 truh kơ 80 rơbâo prăk tui hluai hrơi blan, anih blơi [ơi Daklak do\ lu đô]’’.

Hăng pran jua hlăk ai, hor hrăm, hơduah e\p hla tui, hơmâo hơtai ngă, khin tuh pơ alin, mă yua tơlơi thâo thăi mơ\ng pô ta, ba yua amăng bruă mă sit nik, lu hlăk ai [ơi tơring ]ar Daklak tuh pơ alin amăng bruă ngă hmua pla a`ăm pơtam rơgoh hơdjă.

Anai le\, tơlơi gêh gal [ơi tơring ]ar kiăng pơđ^ tui lu; [u djơ\ kơnong pơsir brơi bruă mă kơ lu mơnuih [udah pơhrui glăi lu prăk kăk đô] ôh, jing djru ba mơnong [ong huă, a`ăm pơtam rơgoh hơdjă ba s^ mơdrô kơ mơnuih [on sang blơi yua r^m hrơi.

Nay Jek: Pô ]ih hăng pôr