VOV4.Jarai - Lơ 14/12, ƀơi plơi prong Buôn Ma Thuột, tơring čar Daklak, Ding jum ia jrao gum hrŏm hăng Anom bruă pơgang klin kman Tây Nguyên pơphun Jơnum bơkơtuai kơ bruă pơgang klin kman huăi lar hyu thun 2021. Tui hăng lăi pơthâo mơng Jơnum anai, tơlơi glêh tơnap mơng klin kman huăi lar hyu (hơmâo tơlơi ruă drah ngur, hơtai boh, mơañă tơbiă ia sik, ruă kơsŏ hăng hơdôm tơlơi ruă pơkŏn), glăk ƀuh dưm dưm 70% ngă glêh tơnap amăng đơ đam dêh čar.

Mông jơnum

Hơdôm tơlơi ruă anai ăt lĕ hơdôm tơlơi ba truh djai brŭ. Him lăng, rĭm thun mơnuih djai yua kman huăi lar hyu samơ̆ dưm dưm 77% mrô djuai yua tơlơi ruă kă. Ƀơi kual Dap kơdư, thun 2020 WHO hơmâo djru brơi 40 boh să ƀơi tơring čar Kontum hăng Lâm Đồng amăng bruă wai lăng, pơjrao hăng jŭ yap glăi lăi pơthâo tơlơi ruă mơng kman huăi lar hyu. Truh thun 2021, hơbô̆ bruă anai hơmâo ƀuh 150 boh să ƀơi 5 boh tơring čar kual Dap kơdư. Hơdôm tơlơi pơgôp hiăp amăng mông jơnum bơkơtuai, tơlơi glêh tơnap mơng wai lăng hăng pok pơhai hơdôm bruă pơjrao brơi tơlơi ruă huăi hơmâo kman lar hyu ăt dŏ bưp tơnap tap, tơlơi lông, kiăng hơmâo hơdră pơtô pơblang, wai lăng tŭ yua ƀiă dong.

Siu Đoan: Pơblang