VOV4.Jarai - Amăng 2 thun laih rơgao, amăng tơring c\ar Daklak hơmâo truh pơ 2.000 ring bruă apui lơtrik hr^p pơ-iă yang hrơi dưm hăng bơbung sang, hăng abih bang dưi pơđuăi rơbêh 120.000 kWp hơmâo pơke\ mă yua. Bruă dưm truă apui lơtrik hr^p pơ-iă yang hrơi “lu đơi’’ ngă lu kual amăng tơring c\ar Daklak mă yua [u abih.

Tuh pơ alin rơbêh 10 klai prăk man pơkra sang pla bơmao hăng rông mơnu\ tui tơlơi pơkă hăng 1 boh kông ti pơlir hơbit bơwih [ong s^ mơdrô, laih dong dưm truă pil hr^p pơ-iă yang hrơi dưm hăng bơbung sang.

Ơi Lê Hoàng Đức Uy, pô sang pla bơmao Nhật Minh, [ơi [ut plơi 6, să C|ư\ Dliê Mnông, tơring glông C|ư\ Mgar, tơring c\ar Daklak, pơsit tong boh tu\ yua mơng [uh tong ten biă mă.

Pil hr^p pơ-iă dưm hăng bơbung sang pla bơmao hăng rông mơnu\ Nhật Minh

Pil hr^p pơ-iă yang hrơi dưm hăng bơbung sang [u djơ\ kơnong hơmâo prăk pơhrui hơđong yua kơ s^ apui lơtrik hơmâo nua đôc\ ôh mơ\ ăt kiăng ngă rơ-ơ\ hăng pơgăn hu\i ngă rơnga`, pơgôp brơi bruă bơwih [ong huă tu\ yua [iă dong.

Tơlơi bơwih [ong huă tơnap tap, nua gơnam đang hmua mơng hơdôm phun pla yôm hloh [ơi [on lan ră anai s^ [u hơmâo nua, yua anun kâo pơm^n kiăng hơdai nao bơwih pơko\n dong.

Kâo [uh bruă tuh pơ alin le\ tu\ yua biă mă hăng Kơnuk kơna ăt hơmâo lu hơdră bruă djru kiăng pơtrut mơnuih [on sang kah hăng anom bơwih [ong s^ mơdrô dưm truă pil hr^p pơ-iă yang hrơi, yua anun kâo kho\m tuh pơ alin lu prăk.

Kâo man pơkra sang anai blung hlâo le\ kiăng pla bơmao, dua dong le\ rông mơnu\, lơ\m [uh nua apui lơtrik đ^ yua anun kâo pơm^n tuh pơ alin dưm truă pil apui lơtrik hr^p pơ-iă yang hrơi lăp djơ\ kiăng dưm hăng bơbung sang, ngă ha wo\t dua mơta kiăng kơ ba glăi prăk pơhrui lu [iă dong.

Apui lơtrik hr^p pơ-iă yang hrơi dưm hăng bơbung sang [u djơ\ kơnong djru brơi mơnuih [on sang, anom bơwih [ong s^ mơdrô hơmâo dong apui lơtrik yua amăng hơdip bơwih [ong đôc\ ôh mơ\ ăt hơmâo dong prăk pơhrui lơ\m s^ apui lơtrik rơbêh brơi dêh c\ar.

Hơdôm boh tu\ yua sit nik amăng tơlơi hơdip hro\m hăng s^ nua yôm, laih dong prăk tuh pơ alin brơi r^m kWh apui lơtrik hr^p pơ-iă yang hrơi aset [iă pơhmu hăng hlâo adih (ră anai giăm 12 klăk prăk 1 kWp), ngă kơ lu mơnuih tuh pơ alin dưm truă [ơi tơring c\ar Daklak.

Khin hơtai tuh pơ alin rơbêh 700 klăk prăk dưm truă pil hr^p pơ-iă yang hrơi hăng bơbung sang, amai Mai Thị Ánh Kiều, do\ [ơi tơring kual Quảng Phú, tơring glông C|ư\ Mgar brơi thâo:

Sang ano\ gơmơi dưm truă pil 60 kWp, abih bang prăk tuh pơ alin giăm 720 klăk prăk. Kâo yua apui lơtrik hr^p mơng pơ-iă yang hrơi aka [u truh ha blan, mơ\ r^m hrơi dưi yua giăm 300 kWh.

Ơi Hà Văn Chương, Kơ-iăng khua kông ti apui lơtrik Daklak brơi thâo, mơng ako\ thun truh ră anai, đơ đam tơring c\ar hơmâo dong 1.500 ring bruă dưm truă pil hr^p pơ-iă yang hrơi dưm hăng bơbung sang hăng dưi pơđuăi giăm 100.000 kWp pơke\ hăng amăng hre\ apui lơtrik dêh c\ar, đ^ 5 wo\t pơhmu hăng thun hlâo.

Thun anai, [ơi Daklak hơmâo 1.500 anih dưm truă pil hr^p pơ-iă yang hrơi hăng bơbung sang, dưi pơđuăi giăm 100.000 kWp

Apui lơtrik hr^p pơ-iă yang hrơi lu đơi ngă kơ sa, dua kual [ơi hơdôm tơring glông Buôn Đôn, Ea Súp, C|ư\ Mgar mă yua [u abih, kông ti apui lơtrik Daklak glăk prăp lui ako\ bruă kiăng tuh pơ alin ngă klă dong bruă dăng yua apui lơtrik [ơi [on lan, djơ\ hăng tơlơi kiăng mơng mơnuih [on sang:

Hơdôm ară hre\ 22 hăng anih pơke\ nao rai 35 KV kah hăng hơdôm hre\ pơko\n dong kông ti amra hluai tui bruă ngă hră pơ-ar ta` c\an prăk hăng rơkâo đ^ kông ti phun brơi tuh pơ alin ta` hloh tơdah dưi. Blung a le\ tơlơi ngă gun [ơi tơring glông Buôn Đôn, kông ti apui lơtrik Daklak hơmâo rơkâo Kông ti phun;

Laih dong hơmâo ako\ bruă pơkra ming [ơi anih pơke\ nao rai 35 KV [ơi Buôn Đôn, kiăng kơ pơsir h^ ha bơnah hơdôm anih hơmâo lu đơi apui lơtrik, djơ\ hăng tơlơi kiăng mơng [ing mơnuih tuh pơ alin anet raih daih hăng hơdôm sang ano\ hơdôm kual anai dưi dưm truă pil hr^p pơ-iă yang hrơi hăng bơbung sang.

Hăng kual lo\n prong laih dong anih pơ-iă kơtang, tơring c\ar Daklak hơmâo tơlơi dưi lơ\m hr^p mă pơ-iă yang hrơi. Hro\m hăng anun ako\ bruă apui lơtrik hr^p pơ-iă yang hrơi prong hloh [ơi kual ASEAN glăk tuh pơ alin man pơkra [ơi Daklak, apui lơtrik hr^p pơ-iă yang hrơi dưm hăng bơbung sang glăk pơhưc\ lu mơnuih tuh pơ alin [ơi tơring c\ar anai, pơgôp hrưn đ^ tu\ yua amăng tơlơi bơwih [ong huă kơ mơnuih [on sang.

Siu Đoan: Pơblang