VOV4.Jarai - Rơbêh kơ 10 thun ngă bruă gah tơlơi ngui ngor adoh suang bơwih brơi mơnuih [on sang, Thượng uý Y Thắng Niê (djuai ania Êđê) mă bruă pơ Grup pôr pơthâo gru grua boh thâo, Anom git gai tơhan tơring ]ar Daklak gum hro\m hăng [ing go\p ba tơlơi adoh suang djă gru djuai ania [iă [ơi kual C|ư\ Siăng pơdah brơi kơ mơnuih [on sang hăng [ing go\p tơhan [ơi tơring ]ar Daklak. Mơng anun djru pơđ^ tui tơlơi hơdip mơda mơng [ing tơhan hăng mơnuih [on sang [ơi kual ataih yaih mơng tơring ]ar.

~u le\ ană kơc\ua amăng sang ano\, hơmâo 4 c\ô adơi ayong, do\ [ơi tơring kual Ea Pôc\, tơring glông C|ư\ M’gar, khă sang ano\ [u hơmâo pô rơgơi adoh suang, samơ\ Y Thắng hơjăn `u amuaih adoh suang, biă mă `u le\ rơgơi suang. Mơng do\ anet, `u amuaih hyu adoh suang hro\m gơyut gơyâo [ơi sang hră [udah [ơi plơi pla pơphun ngă. Kiăng dưi ngă tơlơi khăp amuaih mơng pô `u, tơdơi kơ hră giong anih 12, Y Thắng ba nô|p hră pơ Sang hră Đại học Văn hoá nghệ thuật Quân đội laih anun djơ\ anăn hrăm gah anih pơtô suang.

Tui hăng Y Thắng, kiăo tui hrăm tơlơi adoh suang anai [u amu` tui hăng tơlơi pơmin ôh. Hăng [ing đah kơmơi hrăm suang glêh biă mă yơh, bơ hăng [ing đah rơkơi nao hrăm suang jai kơtang tơnap hloh. Khă hnun, hăng tơlơi pơmin, pran jua amuaih hrăm, gir kơ bruă, `u dưi ngă djo\p mơta hră pơtô mơ\ [ing nai jao.

Y Thắng brơi thâo, tơdơi kơ 6 thun pơto\p pơhrăm, blan 7/2010, `u hrăm giong, mă [ang rơgơi, giong anun hơmâo arăng jao ngă bruă gah Grup pôr pơthâo gru grua boh thâo gah Anom git gai tơhan tơring ]ar Daklak. Giăm 10 thun ngă bruă, pô `u hơmâo pơtô ba, pơhrăm suang, laih anun pơ[uh hơdôm rơtuh tơlơi adoh soang kơ neh met wa, [ing go\p tơhan lăng. Y Thắng lăi nao pran khăp kơ bruă mơng pô `u tui anai:

‘’Rim wơ\t kâo pơphun ngă jơlan hơdră adoh suang tui ako\ bruă amăng hrơi jơnum ngui prong [ơi lo\n ia ta, lơ\m nao pơ plơi pla adoh suang le\ ta kho\m adoh, suang tui ako\ bruă: pơhmutu jơnum gah Ping gah le\ ta suang pơhrup tui bruă pôr pơhing gah Ping gah. Hơjăn tơlơi adoh suang kơ kual Dăp kơdư c\ư\ siăng ta le\ kâo thâo hơdră adoh, suang hiư\m pă kiăng mơ-ak, arăng amuaih hmư\, djă gru djuai ania [iă, kiăng mơnuih [on sang thâo hluh. Hơdôm jơlan hơdră adoh suang [ing gơmơi ngă lêng hơmâo neh met wa amuaih hmư\, amuaih c\ơkă lăng soh’’.

Thượng uý Y Thắng đ^ asuang [ơi anih adoh suang

Tha plơi Y Mút B’Krông, do\ [ơi [uôn Jing, să Krông Jing, tơring glông M’Drăk brơi thâo, rim wơ\t Grup pôr pơhing gru grua boh thâo gah Anom git gai tơhan Daklak glăi adoh suang, `u hăng ană plơi pla nao lăng lu biă mă. Tha plơi Y Mut pơsit, hơdôm tơlơi adoh suang pôr pơhing gru hiam mơng Ping gah, tơlơi khăp lo\n ia, ană plơi hăng gru grua boh thâo kual C|ư\ Siăng lêng hơmâo [ing tơhan pơphun ngă klă, lăng hơmâo kơdrưh biă mă, djă gru djuai ania [iă [ơi anai. Tha plơi Y Mút lăi:

‘’Neh met wa [ơi anai hui đôc\ hơmâo nao lăng tơlơi adoh suang, yua anun rim wơ\t hơmâo arăng rai, ană plơi nao lăng pơ sang gru grua plơi pla lu biă mă. Hơdôm jơlan hơdră adoh kơ Ping gah, Wa Hồ, amra ngă [ing hlăk ai hơmâo pran jua khăp kơ Lo\n ia, plơi pla, gir ngă bruă pơtrut tui tơlơi pơmin mơng Wa Hồ, gum hro\m man pơdong plơi pla. Hơjăn tơlơi adoh suang kơ kual C|ư\ Siăng le\ mơ-ak biă, atông c\ing, ayun suang, kơdăt gai lăng hiam biă mă. Anih adoh suang hơmâo pơdong sang rung lăng jê| giăm biă. Neh met wa hok mơ-ak biă mă lơ\m nao lăng tơlơi adoh suang tui anai’’.

Grup pôr pơthâo gru grua boh thâo Anom git gai tơhan Daklak hơmâo 11 c\ô. Tui hăng Thượng tá Lương Hót Kiên – Khua grup pôr pơthâo gru grua gah Anom git gai tơhan Daklak lăi, yua mrô mơnuih biên chế aset, lơ\m anun hơmâo lu tơlơi adoh suang, yua anun [ing `u mă bruă rơgao mông na nao, gir pơc\eh rai lu tơlơi adoh soang phara, mơ-ak kiăng arăng amuaih lăng. Amăng anun, Y Thắng Niê yơh pô ba gơgrong bruă lu hloh.

Thượng tá Lương Hót Kiên brơi thâo, hro\m hăng ngă klă jơlan hơdră adoh suang pơ[uh kơ neh met wa hăng [ing go\p tơhan [ơi Daklak, Thượng uý Y Thắng Niê ăt pơjing lu jơlan hơdră adoh suang prong yua Jơnum min mơnuih [on sang tơring ]ar Daklak, Quân khu 5, [udah Anom bruă kơđi ]ar pơphun.Thượng tá Lương Hót Kiên lăi nao kơ sa c\ô mơnuih yua gơ`u wai lăng.

‘’Tơlơi pơmin gơgrong bruă, hrăm tui hăng rơguăt bruă mơng tơhan Y Thắng klă biă mă, lêng ngă giong bruă khua mua jao. Kơ bruă gah tơdăm dra mut phung, kâo pơsit, `u le\ mơnuih mă bruă hơmâo tơlơi pơmin, amăng lu tal kơthel, ia ling dăo, lơ\m hơmâo khua mua c\râo bruă, `u amra nao pơ plơi pla [ơi hơdôm boh tơring glông Ea Súp, Buôn Đôn, M’Drăk, Krông Bông djru plơi pla man pơdong sang do\, brơi jrao mơ`um, kih rơmet anih anom; truh yang hrơi mơmot le\ adoh suang, jơnum ngui hăng hlăk ai amăng plơi. Y Thắng le\ mơnuih ping gah abih pran jua kơ bruă’’.

Hro\m hăng [ing go\p djru ană plơi pơgang ia ling dăo

Thượng uý Y Thắng hăng [ing go\p `u tơdơi kơ mông adoh suang.

Phara hăng [ing go\p amăng anom bruă le\ hơdip hro\m hăng ană bơnai, Thượng uý Y Thắng Niê do\ ataih mơng sang ano\ truh 2 rơbâo km [ơ\i. Amai Nông Thị Trang, bơnai Thượng uý Y Thắng Niê glăk mă bruă pơ tơring ]ar Lạng Sơn adih.

Amai Trang ră ruai, khă mơng ataih hơdôm rơbâo rơwang km, samơ\ rơkơi bơnai `u hơmâo tơlơi khăp kjăp mơn. Dua rơkơi bơnai `u juăt juh alum pran jua, thâo pap nao rai kiăng dưi ngă bruă arăng jao, ako\ pơjing sang ano\ hơdip yâo mơ-ak. Amai Trang ră ruai:

‘’Rơkơi bơnai gơmơi do\ hơdip ataih kraih 7 thun anai laih, rơkơi kâo mă bruă pơ tơring ]ar Daklak, gah kual C|ư\ Siăng. Hrơi hơpă thơ hơmâo tơlơi rơngôt, gơmơi juăt iâu telephôn, mut lăng amăng zalo, facebook, facetime… c\i pơhiăp tom. Rim thun `u pơdơi le\ `u glăi c\uă sang ano\, `u lêng pioh mông ngui hro\m hăng dua am^ ană gơmơi soh. ~u le\ mơnuih triăng, tơ`ă asơi hơbai a`ăm mă pô, giong anun ba am^ ană gơmơi nao lăng phim, hmư\ arăng adoh. Dua am^ ană gơmơi lêng c\ang rơmang do\ giăm rơkơi, do\ hro\m hơbit hăng `u’’.

Khă mơng hơdip ataih mơng ană bơnai, bruă mă hai gler glar mơn, samơ\ Thượng uý Y Thắng Niê lêng ngă giong bruă arăng jao. Hăng hơdôm tơlơi gir run ngă bruă, Thượng uý Y Thắng hơmâo Anom bruă kơđi ]ar, Quân khu 5, Jơnum min mơnuih [on sang Daklak, Anom git gai tơhan tơring ]ar brơi lu mơđai, hră bơni yôm. Biă mă `u, amăng ako\ blan 8/2019 phrâo anai, Y Thắng Niê le\ mơnuih ping gah aset thun hloh mơng tơring ]ar Daklak hơmâo khua brơi nao jơnum bơbưp ‘’500 c\ô ping gah hlăk ai hrăm hăng hla tui tơlơi pơtô mơng Wa Hồ’’ thun 2019.

                                                   Siu H’Mai: Pơblang hăng pôr