VOV4.Jarai - Ƀơi anăp kơ tơlơi tơnap tap mơng klin Covid-19 lơ̆m ƀuh na nao mơnuih ƀă klin amăng hơdôm hrơi laih rơgao, Jơnum min mơnuih ƀon sang tơring čar Daklak hơmâo mă yua dong anih pioh ia jrao pơjrao brơi mơnuih ƀă klin mrô 2. Anih pơjrao brơi mơnuih ƀă klin mrô 2 anai lĕ yua Sang ia jrao tơring glông Čư̆ Kuin wai lăng, prong 1.500 boh sưng, pơdong ƀơi lŏn Sang hră pơtô bruă kơđi čar Daklak ƀơi jơlan mrô 1 Nguyễn Lương Bằng, plơi prong Ƀuôn Ma Thuột.

Sang pơtô bruă kơđi čar Daklak mă yua ngă anih pơjrao brơi mơnuih ƀă klin

Ƀơi anai amra pơjrao brơi mơnuih ƀă klin Covid-19 lơ̆m glăk ruă rơnang; kơnong pơjrao brơi ƀing ruă rơnang hăng hơmâo tơlơi ruă kă amăng drơi jăn samơ̆ huăi ngă ruă kraih ôh; pơjrao brơi ƀing mơnuih ruă pơkŏn tơdah hơmâo hăng amra ba nao pơ sang ia jrao prong tơdah ruă kraih. Anih pơjrao brơi mơnuih ƀă klin mrô 2 amra mă yua dong mơng akŏ blan 11/2021.

Siu Đoan: Pơblang