VOV4.Jarai-Tơring ]ar Daklak hơmâo brơi do\ pơ]lah phara 300 ]ô mơnuih pioh pơgang kman Covid 19.

Hơmâo năng ai 241 ]ô mơnuih ngă giong laih bruă pơ]lah phara abih bang leng kơ găng a`răng soh sel; amăng tơring ]ar aka [u hơmâo mơnuih djơ\ kman ôh, anai le\ boh tơhnal lăp bơni biă mă amăng bruă brơi do\ pơ]lah h^ hơdôm [ing arăng đăo đing rai mơ\ng anih hơmâo klin.

 Rơngiao kơ anun, Daklak ăt gir run pơgang klă tơlơi do\ dong [ong huă, anih do\ kơ [ing khom pơ]lah do\ hơjăn pơ sang ia jrao, anun yơh djop pô hơđong pran jua.

Ơi Nguyễn Văn Thắng hrom hăng 3 ]ô amăng sang ano\ rai mơ\ng tơring ]ar Bắc Giang truh pơ Daklak, kiăng nao mơak pơdo\ rơkơi bơnai amôn `u [ơi tơring glông Krông Pa]. Tơdơi kơ tơbiă mơ\ng tơdron rơdêh por {uôn Ma Thuôt aka sui ôh, ơi Thắng hăng [ing amăng sang ano\ `u hmư\ anom bruă ia jrao rơkâo brơi nao do\ pơ anih pơ]lah hơjăn pioh krăo lăng tơlơi suaih pral gơ`u, yua dah hơmâo đ^ amăng rơdêh por hrom hăng mơnuih arăng lăi je\ giăm laih hăng mơnuih pơko\n [ă kman Covid 19 pơ Hà Nội.

Khua mua tơring ]ar Daklak nao ]uă hăng [ơk gơnam kơ [ing do\ pơ]lah

Tơdơi kơ anun mơtam, ơi Thắng hăng [ing nao hrom `u glăi pơtum pơ anih arăng brơi do\ hơjăn pơ]lah h^ jăng jai, yua tơring ]ar ako\ pơjing.  

Thâo tong ten kơ tơlơi hu\i rơhyưt mơ\ng klin kheng, anun yơh khă pơdơi mơtam mông mơak pơdo\ rơkơi bơnai amôn `u, 3 ]ô mơnuih amăng sang ano\ ơi Thắng ăt mơak pran jua mơ\n amăng anih arăng pơkong jăng jai brơi pơ]lah h^ 14 hrơi:

‘’Dơ\ng mơ\ng hrơi anun mut rai do\ pơ anai, ngă tui djơ\ tơlơi pơ]râo mơ\ng ơi ia jrao, do\ dong [ong huă, pơdơi pơdă, [ing ơi ia jrao bơwih brơi djop djel yơh.

 {uh [ing ơi ia jrao pơhiăp hrom hăng brơi pơ]lah h^ kah hăng anai tơdah hlơi mưn hơmâo tơlơi duăm ruă le\ khom nao pơ anih pơjrao pơ]lah h^ hơjăn ta` yơh, kiăng arăng pơjrao hăng lăng ba tong ten, tơlơi do\ dong [ong huă, rơgoh hơdjă biă mă djơ\ hăng tơlơi pơtrun klă kơ ta pô, sang ano\ laih anun kơ abih bang mơnuih’’.

Lơ 17/3, pơwơ\t glăi pơ sang hră, tơdơi kơ hơdôm hrơi do\ pơ plơi pla [ơi Ninh Thuận-anih hơmâo klin Covid 19 glăk [ă lu, Châu Nữ Hoàng Anh, ]ơđai sang hră gưl prong Đại học Tây Nguyên hơmâo pơhaih tong ten `u do\ pơ sang ano\, bưp hlơi, nao pơpă kiăng hơmâo hơdră pơsir.

{ing mă bruă gah ia jrao kih rơmet, sut uă pơrơgoh ma] kman anih do\ pơ]lah

Tơdơi kơ anun, arăng brơi `u khom do\ pơ]lah hơjăn, ngă djơ\ tơlơi pơtrun. Rơbêh 1 wơ\t hrơi tơjuh laih do\ pơ Daklak, [ing ơi ia jrao pơtô brơi tơlơi do\ dong [ong huă, `u ngă tui djơ\ hăng djop soh:

‘’Dơ\ng mơ\ng hrơi mut do\ pơ anai, pơkă lăng drơi jăn huăi pơtu\k huăi duăm hlor ôh. Pơ anai, arăng bơwih brơi kơ [ing gơmơi klă biă mă, r^m hrơi tơ`a bla laih anun pơkă lăng amăng drơi jăn ha hrơi 2 wơ\t, do\ pơ anai rơhaih rơhong, rơ-ơ\, dưi nao rai amăng anih do\ pơ]lah laih anun trun pơtop rơjang drơi jăn’’.

Ăt kah hăng Hoàng Anh mơ\n, lơ\m phrâo glăi mơ\ng Hà Nội, anih mơ\ hơmâo lu mơnuih [ă kman Covid 19, amai Nguyễn Hoa Quế, do\ pơ tơring glông }ư\ Mgar hơmâo pơhaih tơlơi pơhing `u pô hăng nao do\ pơ anih pơ]lah, yua kơ amai Quế lăi le\, khom ngă djơ\ tơlơi pơkă mơ\ng bruă ia jrao, blung hlâo le\ pơgang tơlơi suaih pral kơ ta pô hăng mơnuih ieo gah dơ\ng:

‘’Glăi pơ anai kâo rơkâo nao do\ pơ anih arăng brơi pơ]lah mơtam yơh, kiăng pơgang drơi jăn pô hăng sang ano\ laih anun amăng plơi pla.

Kâo [uh hơđong pran jua mơ\n lơ\m do\ pơ anai, arăng bơwih brơi tong ten. R^m hrơi gơmơi arăng rai pơkă lăng drơi jăn 2 wơ\t, asơi a`ăm pha brơi ha hrơi 3 wơ\t huă’’.

Tui hăng ơi ia jrao Trịnh Quang Trí, Kơ-iăng Khua anom wai lăng tơlơi duăm ruă tơring ]ar Daklak, mơnuih [on sang ngă tui djơ\ tơlơi pơ]lah pơ anih do\ hơjăn, pơtum brơi kơ lu mơnuih samơ\ phara anih phara do\, asơi huă, a`ăm [ong, 3 wơ\t sa hrơi, gơnam yua r^m hrơi brơi djop, rơnoh prăk sa hrơi kơ sa ]ô le\ 60 rơbâo prăk, yua kơ tơhan kông ang djru.

Asơi a`ăm pioh [ơk kơ [ing arăng brơi do\ pơ]lah hơjan anih pơtum

Laih dơ\ng, r^m hrơi pơ anai hơmâo mơ\ng 8-10 ]ô nai ia jrao mơ\ng Anom wai lăng tơlơi duăm ruă tơring ]ar mă bruă, djru ba, anom bruă wai lăng tơlơi duăm ruă hăng sang ia jrao prong plơi prong {uôn Ma Thuôt khom ngă bruă bơblih nao rai hrơi mlam, djru pơtô ba, pơkă lăng drơi jăn mơnuih [on sang arăng pơkong do\ pơ anih pơ]lah anun; ngă bruă rơnăk anih do\ jum dar, pruih ia jrao pơdjai ma] kman.

Tui hăng ơi ia jrao Trịnh Quảng Trí mơ\n, hrơi blan pơ anăp, kman Covid 19 ăt do\ tơnap tap đô], Khul khua mua git gai pơhlôm pơgang klin Covid 19 tơring ]ar Daklak, ăt pok lu anih pioh pơtum [ing arăng brơi do\ pơ]lah hơjăn, ăt prăp lui laih gơnam yua mă bruă, anih do\, hơdră pơhlôm pơgang pioh tu\ jum [ing glăi mơ\ng anih hơmâo klin [udah hơmâo je\ giăm hăng mơnuih djơ\ klin Covid 19:

‘’Kơ bruă do\ pơ]lah phara le\ Anom bruă wai lăng tơlơi duăm ruă hơmâo pok pơhai bruă tu\ jum mơnuih, pơpha anih do\ pơ]lah, pơtô brơi mơnuih [on sang ngă tui klă.

Amăng anun hơmâo tơhan kông an pơgang gah rơngiao laih anun djru brơi asơi huă a`ăm [ong ]em rông [ing do\ pơ]lah hơjăn.

Pơ anăp him lăng hơmâo lu mơnuih glăi mơ\ng dêh ]ar rơngiao dơ\ng [udah mrô mơnuih je\ giăm hăng mơnuih djơ\ klin lu tui.

Amăng ako\ blan 4 pơ anăp, pok pơhai anih brơi do\ pơ]lah hơjăn Km6, phường Tân Hòa. Mrô sưng đih kơ [ing do\ pơjrao pơ]lah prăp lui 300 boh’’.

Daklak aka [u hơmâo mơnuih djơ\ klin SARS-CoV-2 ôh, samơ\ tơlơi pơhing klin kheng anai [ơi ro\ng lo\n tơnah ăt kah hăng [ơi Việt Nam do\ tơnap biă mă, bruă răng kơđiăng glăm ba mơ\ng djop mơnuih hăng ngă tui djơ\ bruă brơi pơ]lah djơh hăng anai kiăng biă mă.

Hăng hơdôm [ing pơ]lah laih hăng glăk pơ]lah [ơi Daklak, anai le\ sa tơlơi găn rơgao kiăng thâo sit tơlơi glăm ba mơ\ng r^m pô yua kơ drơi jăn ta pô, sang ano\ hăng tơlơi suaih pral mơnuih pơko\n amăng plơi pla [ơi anăp bruă pơhlôm pơgang klin kheng lar hyu prong anai.

            Nay Jek: Pơblang hăng pôr