VOV4.Jarai - Tơring čar Daklak lơ 24/11 brơi thâo hơmâo laih 64.250 liều vaccine Comirnaty mơng Pfirzer- BioNTech yua ding jum ia jrao kah brơi kiăng tlâ̆o brơi ƀing čơđai mơng 12 -17 thun. Tơring čar amra pơphun tlâ̆o vaccine anai amăng blan 11 mơtăm. Tui mrô vaccine hơmâo kah pha, Daklak amra pơphun tlâ̆o brơi ƀing čơđai mơng thun pơprong trun ƀing anet.

Yua anun, hăng rơbêh 64.000 liều vaccine hơmâo kah brơi tal anai, tơring čar amra pơphun tlâ̆o brơi abih bang ƀing čơđai sang hră gưl tlâo. Anih tlâ̆o vaccine pơphun ƀơi sang hră mơtăm, ƀing čơđai hrăm pơpă tlâ̆o ƀơi anun, bruă tlâ̆o vaccine kiăng pơhlôm ngă tui 5K amăng pơgang klin Covid-19. Ră anai gơnong bruă ia jrao Daklak hơmâo pơtô hrăm ƀing nai ia jrao ƀơi hơdôm anom bruă ia jrao kơ bruă tlâ̆o brơi vaccine ƀing čơđai brơi pơhlôm djơ̆ tơlơi črâo ba mơng Ding jum ia jrao.

Siu Đoan: Pơblang