VOV4.Jarai-Tơdơi kơ hơmâo mơnuih blung a [ă kman Covid 19 tơring ]ar Daklak pok pơhai lu bruă mă bong glăi klin kheng.

Tơring glông Krông Bông, tơring ]ar Daklak hơmâo 60% mrô mơnuih [on sang plơi pla mơ\ng tơring ]ar Quảng Nam, Đà Nẵng, anun yơh mơ\ng lơ 17/7 truh ră anai, hơmâo rơbêh 2000 ]ô mơnuih mơ\ng dua boh tơring ]ar anun glăi pơ tơring glông Krông Bông, hu\i biă mă tơlơi [ă kman Covid 19.

Kơnong mơguah lơ 29/7, ăt hơmâo laih 3 boh rơdêh pơgiăng tuai mơ\ng Đà Nẵng glăi pơ Krông Bông, hăng 50 ]ô tuai amăng rơdêh anun.

Hơdôm ]ô mơnuih glăi anun, anom bruă ia jrao brơi pơhaih tum te], pơkă lăng drơi jăn hăng brơi do\ pơ]lah hơjăn mơtam amăng sang ano\.

Ơi ia jrao Nguyễn Tuấn Việt, Kơ-iăng Khua sang ia jrao prong tơring glông Krông Bông brơi thâo, sang ia jrao gơ`u prăp lui yơh mơnuih mă bruă hăng gơnam yua bong glăi klin kheng:

‘’Ră anai anom bruă ia jrao gơmơi hơmâo git gai djop sang ia jrao să pơphun bruă mă pơgang klin Covid [ơi djop să, tơring kual hăng anom bruă ia jrao tơring glông, pơpha bruă, pơpha glông, anih brơi do\ hơjăn pơ]lah mơnuih mơnam laih anun prăp lui gơnam djru kơ mơnuih đăo đing [ă kman Covid’’.

Anih pơjrao kơ mơnuih [ă kman Covid 19 [ơi Sang ia jrao prong Kual Dap kơdư

{ơi sang ia jrao prong kual Dap kơdư, anih glăk pơjrao kơ mơnuih [ă kman Covid 19, khua mua sang ia jrao prong kual Dap kơdư brơi thâo, tơdơi kơ thâo krăn mơnuih [ă kman sit nik, Sang ia jrao hlong  pruih ia jrao pơdjai kman [ơi anih pơjrao mơnuih duăm ruă yua kman [ă hyu, hơmâo 3 ]ô ơi ia jrao, 11 ]ô ]ơđai sang hră gưl prong hrăm gah bruă ia jrao, 37 ]ô mơnuih duăm ruă đih pơjrao hăng [ing do\ wai mơnuih ruă, khom pơgăn abih [u brơi tơbiă hyu pơ anih pơko\n.

Ơi ia jrao Võ Minh Thành, Kơ-iăng Khua sang ia jrao prong brơi thâo, lơ\m hơmâo mơnuih [ă kman Covid 19 blung a, ngă tui hmao kru bruă pơkă anih, pơpha glông pơjrao amăng sang ia jrao, kiăng plai [iă kơniă amăng sang ai jrao prong.

Tui hăng anun, sang ia jrao [ơi tơring glông ăt khom tu\ jum pơjrao brơi mơnuih [ă kman anai, tơdah hơmâo mơnuih đing đăo [ă klin, tơdơi kơ mă drah ba pơ]rang [uh sit nik, tơdah pơ]rang tong ten, thâo sit nik, khom hơmâo hơdră pơgiăng mơnuih ruă ba nao pơ sang ia jrao prong [ơi Kual pioh pơtum pơjrao sa anih đah mơ\ng plai [iă [ă hyu amăng sang ia jrao:

‘’Lơ\m hơmâo sa ]ô mơnuih [ă kman [ing gơmơi [u tu\ jum ôh jăng jai [ing glăk đing đăo hăng mơnuih amra [ă, gơmơi khom tu\ jum pơjrao brơi mơnuih [ă kman anun hlâo, pioh pơjrao phara.

Sang ia jrao prong Kual Dpa kơdư [ing gơmơi pok pơhai dua boh anih pơkă lăng, pơpha dua jơlan nao phara soh mơ\n, kiăng pel e\p kman Covid.

Dua le\, gơmơi rơkâo anom bruă gah s^ ia jrao, pơkra ia jrao blơi dơ\ng gơnam yua pơhlôm hlâo, bơnal gôm [o# hăng ano\ hrôm tơngan mă bruă djop amăng 3 blan’’.

{ing ơi ia jrao pơkă lăng ano\ hlor drơi jăn [ing glăi mơ\ng kual hơmâo klin

H’Yim Kđoh, Kơ-iăng Khua Jơnum min mơnuih [on sang tơring ]ar Daklak, Kơ-iăng Khua git gai pơhlôm pơgang klin Covid 19 tơring ]ar Daklak brơi thâo, tơdơi kơ hơmâo mơnuih [ă kman blung a Covid 19 [ơi Daklak, tơring ]ar hơmâo ngă tui lu hơdră, mă tơdjôh drah pioh ba pơ]rang, hơduah e\p [ing je\ giăm hăng mơnuih duăm, pơpha jơlan nao pơ sang ia jrao;

[ing je\ giăm khă aka [u [uh [ă kman ôh, mơnuih tal sa F1 ăt brơi do\ pơ]lah hơjăn mơ\n;

 Pơtô lăi mơnuih [on sang khom pơhlôm, pơgang mă pô djơ\ hăng tơlơi pơtô mơ\ng Ding jum ia jrao.

Laih anun, pơphun mă bruă, ba yua dua boh anih pơ]lah mơnuih mơnam do\ pơ sa boh anih pơtum.

‘’Tơring ]ar hơmâo ako\ pơjing dua boh anih pơ]lah mơnuih mơnam pơtum sa nih, sa le\ pơ anih wai lăng tơlơi suaih pral kơ mơnuih hơmâo djru bruă hơkru\ lo\n ia [ơi phường Tân An.

Anih do\ pơ]lah anai pioh kơ abih [ing ơi ia jrao pơjrao hăng tu\ jum mơnuih [ă kman Covid 19.

Dua le\ anih brơi do\ pơ]lah mơnuih mơnam [ơi sang bruă tơhan pơlih blah ngă kual Dap kơdư ]i phường Tân Hòa plơi prong {uôn Ma Thuôt, anih anai dưi djop kơ 300 ]ô mơnuih pơngo\, abih bang [ing đing đăo [ă kman ba nao do\ pơ]lah jăng jai [udah [ing rai mơ\ng anih hơmâo klin glăi pơ tơring ]ar’’.

Tơdơi kơ pơtong glăi mơnuih [ă Covid 19 [ơi tơring ]ar, Jơnum min mơnuih [on sang tơring ]ar Daklak hơmâo ngă hră pơtrun mrô 6592 kơ bruă pok pơhai hơdră pơhlôm pơgang Covid 19 amăng tơring ]ar.

Tui hăng anun, dơ\ng mơ\ng 12 mông krah mlam lơ 30/7, tơring ]ar Daklak ngă tui hơdră pơgăn mơnuih mơnam đuăi hyu hăng pơtum lu mơnuih.

Hrom hăng anun, tơring ]ar pơdơi abih mông jơnum bưp [o# mơta lu mơnuih, mơ\ng 20 ]ô pơngo\ amăng sa anih.

Jơnum min mơnuih [on sang tơring ]ar ăt pơtrun pơdơi mơ\n jơnum kuh pơpu\ gah djop tơlơi đăo mơ\ng 20 ]ô mơnuih pơngo\; pơdơi bruă ngui ngor gru grua, adoh suang, pơ rơguăt drơi jăn amăng anih lu mơnuih mơnam.

Pơdơi jăng jai anih ngui ngor adoh karaoke, massage, anih [ong mơ`um ngui ngor, anih kơdưt suang lu mơnuih vũ trường, anih pơdah phim, anih pơtop gym yoga…

Djop sang s^ mơdrô mơnong [ong huă, sang s^ sup, mơ`um kơphê ăt ngă tui djơ\ hơdră brơi tuai truă bơnal gôm [o# laih anun [ing mă bruă bơwih brơi kơ tuai ăt gôm [o# mơn, do\ ataih 1 met.

Pơtă pơtăn mơnuih [on sang anăm tơbiă mơ\ng sang ôh tơdah [u hơmâo bruă je] ame], ngă tui khut khăt hơdră pơhlôm pơgang klin Covid 19, rao tơngan re se hăng ia ]ơ[u [âo [udah ia jrao pơdjai kman; nao pơ rơngiao khom truă bơnal gôm [o# mơ\ng ia jrao, pơ anih lu mơnuih ăt hnun mơ\n.

Nay Jek: Pơblang