VOV4.Jarai - Khă akă hmâo ]ih pioh hlơi [a\ kơman Covid-19, samơ\ hơdôm ano# pioh glăi mơng klin Covid-19 hmâo bơdjơ\ nao [u anet ôh tơlơi hơd^p mơda mơnuih mơnam [ơi Daklak.

Rơđah biă `u le\ tơlơi hơd^p mơda mơng mơnuih mă bruă, mơnuih [u hlơi gơnang hăng mơnuih [un rin.

Gum djru ba tơlơi tơnap hăng hơdôm mơnuih tơnap tap amăng mơnuih mơnam, hơdôm hrơi rơgao, hơdôm khul gru\p, mơnuih hmâo iâu pơhrui lu anung gơnam yôm phăn pioh brơi kơ gơ`u.

Hơdôm bruă mă klă hiam anai hmâo djru laih lu mơnuih yak rơgao tơlơi tơnap amăng bơyan klin ruă ngă.

Pơwo\t glăi sang [ơi să Ia J’lơi, tơring glông Ea Sup yua kơ khom pơdơi mă bruă 15 hrơi kiăng pơgang, be\ klin ruă, amai Nguyễn Thị Mỹ Hạnh [u tơtlaih mơng tơlơi bơngot lom [ơi anih `u mă bruă lăi pơthâo kơnong kơ dưi brơi prăk pơkă phun le\ 1 klăk 800 rơbâo prăk amăng sa blan.

Amai Hạnh brơi thâo, mrô prăk [ia\ anun, kơnong kơ djop `u tla prăk anih do# hăng prăk apui đo#]. Prăk blơi [ong rim hrơi khom gơnang kơ am^ ama yơh.

Tơlơi bơngot mơng amai Hạnh dưi pơsir, lom tlam lơ 4/4, `u dưi hmâo pô sang brơi apah lăi pơthâo amra hro\ trun prăk apah sang do# blan 3 hăng [u mă prăk apah amăng blan 4.

Amai Hạnh [u thâo do\p dong tah tơlơi mơ-ak yua kơ bruă ngă anun mơng pô sang.

“Tơdơi kơ hmư\ giong kâo ăt [uh bơni kơ amai Huyền mơn. Tơlơi hơd^p mơda ră anai hlơi hlơi leng kơ pơdơi bruă mă, `u pơhro\ trun laih kơ [ing gơmơi prăk apah tui anai [ing gơmơi mơ-ak biă.”

Gru\p hyu gum djru brơi gơnam tam kơ hơdôm mơnuih tơnap tap

Lăi pơthâo kơ bôh than pơsit [u mă prăk apah sang do# kơ abih bang 9 bôh anih do# mơng sang ano#, lăng [uh [ing ]ơđai gưl dlông hăng mơnuih mă bruă amăng kual sang do# apah khom pơdơi mă bruă, pơdơi hrăm hră kiăng pơgang klin, `u pơmin pô khom ngă bruă hơget kiăng djru hrom hăng djop mơnuih.

Hăng bruă mă [u mă prăk apah le\ bruă `u mă jing kiăng biă lom anai:

“Kâo pơmin le\, klin Covid-19 jing tơlơi hơning rơngôt kơ abih bang ană mơnuih hăng pô ăt kiăng djru [ơ [ia\ mơn kơ hlơi hăng [ing ]ơđai sang hră gưl dlông rim hrơi do# [ơi anun hăng [ing gơmơi le\ kâo khom djru hơdôm mơnuih je# giăm tui anun hlâo.”

Ngă tui tơlơi ]râo ba mrô 16 mơng Khua dêh ]ar, ]ơlah đuăi abih bang mơnuih mơnam, lu mơnuih mă bruă bưp tơnap amăng bruă mă, ngă tơlơi hơd^p mơda gơ`u tơnap hloh dong.

Hơdôm hrơi rơgao, lu khul gru\p, mơnuih [ơi Daklak hmâo iâu pơthưr hơdôm anung gơnam tam kiăng yua pioh brơi kơ hơdôm rơtuh ]ô mơnuih tơnap tap amăng tơring ]ar.

}ơkă mă gơnam tam amăng anun hmâo mi tôm, braih, ia tơsâu rơmô, ia măm, hra, ia rơma\ yua kơ gru\p hyu gum djru “Theo chiều thiện tâm” [ơi plơi prong {uôn Ama Thuo#t brơi, ayong Lê Công Tiến, do# [ơi phường Tân Tiến, plơi prong {uôn Ama Thuo#t brơi thâo: `u le\ mơnuih bum mơta, hyu e\p [ong e\p huă hăng bruă s^ gai kơnih glăm hyu [ơi bra.

Ngă tui Tơlơi ]râo ba mrô 16 mơng Kơnuk kơna kơ bruă ]ơlah đuăi amăng mơnuih mơnam, `u hmâo pơdơi laih s^ gơnam tam kiăng do# pơ\ sang pơgang klin ruă.

Anun gơnam mơng gru\p [u prong mơn, samơ\ djru laih `u hăng lu mơnuih kah hăng `u yak rơgao hơdôm hrơi tơnap tap.

“Gơnang kơ khul hyu gum djru hmâo djru laih mơnuih [u klă drơi jăn [ing gơmơi hơdôm hrơi tơnap tap lom [u dưi hyu mă bruă.

Ăt gơnang kơ mrô gơnam tam gum djru mơng [ing thâo tơngia mơ\ amăng hơdôm hrơi kơnuk kơna ]ơlah đuăi yua kơ klin ruă. {ing gơmơi ăt glăk ngă tui tơpă mơn tơlơi anai, ]ang rơmang Việt Nam ta` tơtlaih mơng klin ruă.”

Lu adơi amai tơnap tap dưi ]ơkă mă ia rao tơngan pơdjai kơman hăng bơnal gôm adung mơbah   

{u djơ\ kơnong kơ dưi gum djru gah braih pơdai, gơnam [ong huă ôh mơ\, lu mơnuih tơnap tap [ơi Daklak do# dưi hmâo hơdôm bôh anom, mơnuih brơi ia rao tơngan pơdjai kơman hăng bơnal gôm adung mơbah dong.

Hăng sa ]ô mơnuih glăk ngă tui bruă tơ]ôh bơnal gôm adung mơbah brơi kơ mơnuih [un rin, yă Nguyễn Thị Tâm, [ơi tơring kual Quảng Phú, tơring glông }ư\ Mgar brơi thâo: Khă mơnuih tơ]ôh băn ao [u hre] bruă mơn, samơ\ tơdơi kơ Khul đah kơmơi tơring kual pơphun tơ]ôh bơnal gôm bo# brơi kơ mơnuih [un rin pioh pơgang klin Covid-19 le\ hmâo hơne] mă laih hơdôm mông wa\n pioh trơ\i bơnal tơ]ôh bơnal gôm adung mơbah.

Ră anai `u hmâo tơ]ôh hmâo 300 blan bơnal gôm adung mơbah, tơdah dưi iâu pơhrui bơnal dong thơ, yă Tâm amra djă pioh bruă tơ]ôh bơnal gôm adung mơbah pioh pha brơi kơ hơdôm mơnuih kiăng kơ bơnal anai truh kơ abih bơyan klin ruă.

“Adơi amai ăt pơsur mơn sa dua ]ô mơnuih kiăng tơ]ôh bơnal gôm [o# pha brơi kơ mơnuih [un rin amăng tơring kual.

Lăi hrom kâo hmâo pơpha laih kâo tơ]ôh kiăng kơ hmao amăng bơyan pơgang klin, kâo [u hu^ bơdjơ\ nao hơget ôh bruă mă mơng pô kâo. Biă `u le\ kiăng kơ hmao brơi bruă pơgang pơgăn klin đo#].”

Bruă mă klă hiam mơng hơdôm khul gru\p, mơnuih hmâo hăng glăk anăp nao hơdôm mơnuih tơnap tap amăng bơyan klin kheng ngă anai hmâo dong pran jua pioh hrưn đ^ yak rơgao tơlơi tơnap, gum pran hrom đơ đam lo\n ia pơtrut kơdun glăi klin Covid-19 ngă.

Siu H’ Prăk: Pô ]ih pơblang