VOV4.Jarai-Ea Wy le\ să kual ataih, kual asuek tơring glông Ea Hleo, tơring ]ar Daklak.

Tơlơi bơwih [ong huă mơnuih mơnam do\ lu tơlơi tơnap tap, khul tơdăm dra mut phung pơ anai hơmâo pơdah pran jua hlăk ai kơtang, hur har djru hrơi bruă, gum hrom ping gah, gong gai kơnuk kơna hăng mơnuih [on sang man pơdong plơi pla phrâo.

Lu thun hăng anai laih, sang ano\ Nguyễn Văn Lâm do\ pơ thôn 2 A, să Ea Wy, ăt der wer amăng tơlơi tơnap tap yua [u hơmâo lo\n ngă hmua.

Djop mơta gơnam yua kơ sang ano\ kơnang kơ prăk mă bruă apah mơ\ng dua rơkơi bơnai `u [u hơđong ôh.

Ană rơmô pioh djuai yua kơ tơdăm dra mut phung să Ea Wy djru kơ sang ano\ Nguyễn Văn Lâm

{uh tơlơi tơnap tap mơ\ng sang ano\ Lâm tui anun, khul tơdăm dra mut phung să Ea Wy hơmâo djru brơi 2 drơi rơmô tuh ană, nua rơbêh 10 klăk prăk, kiăng sang ano\ `u rông hăng e\p [ong plai [iă tơnap.

Ayong Lâm brơi thâo, hrơi gơ`u tu\ mă ană rơmô pioh rông, sang ano\ hok mơak biă mă, tơlơi mơak anun jai prong hloh, truh hrơi ană rơmô prong, jing rơmô ania tuh ană dơ\ng.

Dơ\ng mơ\ng hơmâo tơlơi djru khul tơdăm dra mut phung să gum hrom, sang ano\ gơ`u pơklaih mơ\ng tơlơi [un rin:

‘’Sang ano\ gơmơi bơni lu biă mă kơ [ing hlăk ai tơdăm dra, đăo kơnang, djru ană rơmô pioh rông, ngă gêh gal brơi sang ano\ hrưn đ^ pơklaih mơ\ng [un rin.

Ta rông rơmô ania, `u tuh ană, hơmâo kơmlai laih anun, ta mă ano\ kơmlai anun, tuh pơ alin bơwih [ong đ^ dơ\ng, dua le\ hơmâo gơnam pơhrui glăi kơ sang ano\ tơdơi anai’’.

Hrom hăng ano\ hlăk ai Nguyễn Văn Lâm, dơ\ng mơ\ng thun 2015 truh ră anai, khul hlăk ai mut phung să Ea Wy hơmâo brơi 4 drơi rơmô tuh ană kơ 4 boh sang ano\ hlăk ai mut phung tơnap tap, kiăng gơ`u hrưn đ^ amăng tơlơi hơdip mơda.

Hlăk ai mut phung să Ea Wy, brơi ană rơmô rông kơ tơdăm dra mut phung tơnap tap

{u djơ\ kơnong brơi ană rơmô đô] ôh, khul hlăk ai tơdăm dra să do\ djru lu ring bruă, ]răn bruă pơko\n kiăng djru bơblih [o# mơta plơi pla.

R^m tlam [ơi tơdron pah boh lông plơi thôn 1A, să Ea Wy kơdok kơdor [ing tơdăm pah boh lông kiăng kjăp drơi jăn.

Tơdron pah boh lông tuh simăng laih, sa tơlơi djru mơ\ng khul tơdăm dra mut phung amăng să, rơnoh prăk 18 klăk prăk, brơi kơ mơnuih [on sang [ơi anai.

Tui hăng tơdăm mut phung Ngô Tiến Hùng lăi, yua hơmâo ring bruă djru ba mơ\ng hlak ai mut phung [ơi să, anun pơtum lu hlăk ai ngui hrom rơjang drơi jăn.

Dơ\ng mơ\ng anun djru pơđ^ tui tơlơi hơdip mơak pran jua kơ lu mơnuih.

‘’Pơkra ming tơdron pah boh lông, kiăng pơgăn [iă [ing tơdăm pơtum [ut hyu ngui ngor mơ`um tơpai, [ong huă tă tăn, kiăng gơ`u hur har kơ bruă rơjang drơi jăn, hơdip mơda hiam, tơpă, gum pơgôp nao rai amăng tơdăm dra hlăk ai’’.

Ayong Trần Văn Khang, Khua git gai tơdăm dra mut phung să Ea Wy brơi thâo, ngă tui bruă pơtrun ‘’Hlăk ai gum tơngan hrom man pơdong plơi pla phrâo’’ amăng thun 2018, Khul tơdăm dra hlăk ai să hơmâo djru 500 hrơi bruă, pơkra ming jơlan glông nao rai amăng plơi pla.

Laih dơ\ng, khul tơdăm dra mut phung mă bruă pơyơr pran jua, djru kuăi hnoh ia, king hmua, kih rơmet jơlan plơi, lan sang, hơmâo hơdôm rơbâo wơ\t hlăk ai ngă hrom.

‘’{ing gơmơi gleng nao re se, djru ba [ing tơdăm ngek dra muai, sang ano\ tơnap tap. Hăng [ing tơdăm dra mut phung, gơmơi pơkra hơdră rah anah tơlơi ]ang rơmang laih anun [ing hlăk ai tơdăm dra hur har ngă hrom, mơnuih [on sang amăng să dong yua mơn’’.

Ơi Nông Ngọc Thiết, Kơ-iăng khua ping gah să Ea Wy lăi le\, dơ\ng mơ\ng tơlơi djru pran jua mơ\ng hlăk ai, djru kơ să ngă giong tơhnal pơkă plơi pla phrâo thun 2019.

‘’Thun blan rơgao, bruă mă mơ\ng hlăk ai amăng să [uh lu bruă mă tu\ yua.

Amăng anun hơmâo hơdră man pơdong plơi pla phrâo yua hlăk ai tơdăm dra mut phung pô gơgrong, hơmâo boh tu\ yua prong biă mă, pơkra ming jơlan nao rai, djru sang ano\ [un rin, tơhnal pơkă plơi pla phrâo’’.

Hăng pran jua kơsung nao pơ anăp mơ\ng hlăk ai tơdăm dra pơđ^ kyar tơlơi bơwih [ong huă, tơlơi djru pran jua soh sel mơ\ng hlăk ai să Ea Wy, tơring glông Ea Hleo, tơring ]ar Daklak hơmâo djru ngă bơblih phrâo plơi pla phrâo amăngkual ataih, kual asuek.

Nay Jek: Pô ]ih hăng pôr