VOV4.Jarai - Truh yang hrơi lơ 25/7, bruă prap rơmet, pơhlôm djop gơnam măi mok mă yua brơi kơ mơnuih ƀă klin ƀơi sang ia jrao pơjrao mơnuih ƀă klin mrô 1 hăng anih pơčlah pơƀut ƀơi Anih dŏ hơdip kơ čơđai sang hră gưl prong Sang hră gưl prong Tây Nguyên hơmâo pơgiong laih. Kơnong Sang ia jrao pơjrao mơnuih ƀă klin mrô 1 glăk tŏ tui pơkra ming, dưm đing ia, apui lơtrik ƀơi hơdôm anih dŏ răm rai. Kơ gơnam tam măi mok, sang ia jrao phrâo ba glăi sa boh măi pơčrang lăng kơtăk drah, sa măi sinh hoá, 1 măi phĭn X-quang hăng sa, dua măi mok pơkŏn mơng Sang ia jrao plơi prong Buôn Ma Thuột hăng sang ia jrao prong kual Dap kơdư.

Daklak prap mă yua sang ia jrao pơjrao mơnuih ƀă klin mrô 1

Amăng tlam lơ 25 hăng lơ 26/7, Sang ia jrao tŏ tui pơkra ming, rơmet agaih anih mă bruă brơi ƀing nao ia jrao, ơi ia jrao; rơkâo dong gơnong bruă ia jrao djru brơi rơdêh pơgiăng mơnuih ruă, măi pơčrang lăng, 3 măi điện tim, cơ số thuốc …; pơƀut mơnuih mă bruă, črâo brơi hơdôm tơlơi pơkă bruă mă, pơtô pơblang amăng bruă pơjrao brơi mơnuih ƀă klin Covid-19. Him lăng truh abih lơ 26/7 amra pơgiong bruă prap lui hăng amra čơkă ƀing mơnuih ƀă klin amăng mơguah lơ 27/7 anai.

Siu Đoan: Pơblang