VOV4.Jarai - Hơdôm thun rơgao, hơdôm gưl Khul đah kơmơi tơring ]ar Daknông hmâo lu bruă mă sit nik, pơtrut kơtang bruă lăi pơhing pơđ^ tui tơlơi pơmin mơng [ing gop amăng khul, iâu pơhrui djop ngăn rơnoh kiăng djru [ing gop pơđ^ kyar bơwih [ong, pok pơhai lu jơlan hơdră, rơwang bruă bơwih [ong mơnuih mơnam djru adơi amai kual tơnap tap…

Hăng hơdôm tơlơi gir run anai, lu adơi amai khul hmâo dong hơdôm tơlơi gal kiăng hrưn đ^ tơtlaih mơng [un rin kơja\p phik, djru pơdo\ng sang ano# yâu mơ-ak.

Pơtrut pơsur pơdo\ng hăng djă pioh bruă mă ba glăi bôh tơhnal hơdôm khul gru\p “Gum djru tơdruă pơđ^ kyar bơwih [ong” le\ hơdră mơ\ Khul đah kơmơi să Nhân Đạo (tơring glông Dak R’lấp) djru adơi amai pơhro\ trun rin rơpa.

Rơđah biă `u le\ Khul “Đah kơmơi djru tơdruă pơđ^ kyar bơwih [ong” thôn 3 hăng 21 ding kơna.

Khul hmâo djru laih kơ lu adơi amai pơtlaih tơlơi tơnap tap gah ngăn drăp, pơjeh pla, lăi pơthâo tơlơi găn rơgao bruă bơwih [ong huă, s^ mdrô.

Amai Bùi Thị Kim Nghĩa, [ơi thôn 3, să Nhân Đạo, brơi thâo, thun 2018 rơbêh kơ 1 ektar đang tiu mơng sang ano# hmâo kơman pơ]ra\m djai ha amăng ple\. Prăk pơhrui glăi hro\ trun lu anun tơlơi hơd^p mơda mơng sang ano# `u bưp lu tơlơi tơnap tap.

~u dưi hmâo Khul “Gum djru tơdruă pơđ^ kyar bơwih [ong” brơi ]an 21 klăk prăk [u mă kơmlai kiăng blơi sa drơi rơmô hăng 50 drơi mơnu\ pioh rông. Khă prăk djru [u prong samơ\ hmâo djru laih amai Nghĩa pơsir tơlơi tơnap [ơi anăp pioh pơphun glăi bruă bơwih [ong huă.

“Adơi amai đah kơmơi ăt lăng ba kâo lu mơn, laih anun djru kâo hmâo tơlơi gal ]em rông hlô dong, pơđ^ kyar dong. Mut amăng khul le\ kâo [uh adơi amai mut hrom tơdruă biă anun kâo [uh mơ-ak biă”.

Yă Nguyễn Thị Thanh – Khua Khul đah kơmơi să Nhân Đạo, tơring glông Dak R’lấp, brơi thâo, kiăng djru adơi amai sit nik hăng ba glăi bôh tơhnal, hơdôm bôh plơi pla hmâo gơgrong hlâo pel e\p, pơpha sang ano# [un rin yua kơ đah kơmơi ngă pô sang, pơsit bôh than ba truh rin rơpa…

Mơng anun Khul đah kơmơi gum djru adơi amai hăng lu hơdră, kah hăng: brơi ]an prăk [u mă kơmlai, djru pơjeh pla, hlô rông; lăi pơthâo tơlơi găn rơgao amăng bruă bơwih [ong huă, s^ mdrô… kiăng gum hrom pơđ^ kyar bơwih [ong ba glăi bôh tơhnal, hrưn đ^ tơtlaih mơng [un rin.

“{ing gơmơi nao pơ\ plơi pla lăi pơhing kiăng mơnuih amăng khul thâo hăng ngă tui djơ\ tơlơi phiăn, ăt kah hăng hơdôm bruă mă mơng khul đah kơmơi pok pơhai hơget, tơlơi dưi mơng adơi amai hiưm `u hăng pel e\p lăng adơi amai hơpă hmâo tơlơi kiăng kơ bôh thâo, tơju\ pla, rông hlô, prăk ]an…”

Kiăng djru mơnuih amăng khul [un rin tơtlaih mơng [un rin, Khul đah kơmơi hơdôm gưl [ơi Daknông do# gum hrom hăng hơdôm gơnong bruă pok hơdôm anih pơtô bruă, pơhra\m brơi bôh thâo phrâo măng bruă ngă đang hmua, pơtô brơi bôh thâo s^ mdrô…

Hơdôm bôh plơi pla ăt pơtrut pơsur mơn adơi amai pơplih hơdră phun pla, hlô rông, mă yua bôh thâo phrâo amăng bruă ngă đang hmua tui jơlan gah pơhlôm kiăng pơđ^ tui ano# klă, hro\ trun nua gơnam tam.

Hăng tơlơi pơmin pơplih phrâo amăng pơđ^ kyar bơwih [ong, amai Nguyễn Thị Thuý, [ơi să Dak Nia, plơi prong Gia Nghĩa khin hơtai ]an laih 200 klăk prăk tuh pơplai pơdo\ng sang gôm, mă yua hơdră pla bơnga tui jơlan gah măi mok phrâo [ơi lo\n prong 2000 met kơ rê. Hơdră anai rim thun sang ano# `u pơhrui hmâo rơbêh kơ 100 klăk prăk.

Ră anai amai Thuý glăk lăi pơthâo tơlơi găn rơgao, djru lu adơi amai jai hrơi jai pơđ^ kyar bơwih [ong kiăng pơđ^ tui prăk pơhrui glăi, pơplih tơlơi hơd^p mơda.

“Ăt glăk pơsur mơn [ing adơi amai ngă hrom, kâo ngă pơphô hlâo [ơi anai adơi amai ăt rai ]ua\ lăng mơn. Rơngiao kơ anun ăt apah mơn sa dua ]ô adơi amai mă bruă anun adơi amai thâo laih mơn.

Kâo abih pran jua, samơ\ sit nik `u ngăn rơnoh mă yua akă [u lu, ]ang rơmang hơdôm gưl djru ba hăng ngă gal brơi kơ adơi amai prăk tuh pơplai kiăng adơi amai khin hơtai pok prong hơdră ngă.”

Tui hăng Khul đah kơmơi tơring ]ar Daknông, truh ră anai, đơ đam tơring ]ar hmâo rơbêh kơ 19 rơbâo ]ô adơi amai dưi ]an prăk mă kơmlai [ia\ hăng mrô prăk brơi ]an giăm truh 808 klai prăk; djru giăm truh 1.500 ]ô adơi amai amăng khul dưi ]an Keh prăk ngă gal brơi kơ adơi amai pơđ^ kyar bơwih [ong hăng mrô prăk brơi ]an 35 klai prăk…

Hrom hăng anun hơdôm rơbâo ]ô adơi amai [un rin do# dưi djru hăng hơdră brơi ]an [u hmâo kơmlai, djru phun pla, hlô rông, hrơi bruă, gơnam mă yua pioh pơđ^ kyar bơwih [ong.

Gơnang kơ hơdôm tơlơi gir run anai, lu adơi amai tơtlaih mơng [un rin kơja\p, anăp nao pơdo\ng sang ano# yâu mơ-ak, thâo rơgơi.

Hơdôm bruă mă rơdah rơđông, sit nik mơng Khul đah kơmơi hơdôm gưl Daknông hmâo pơplih laih tơlơi pơmin, hơdră ngă, ngă tui tơlơi pơ]eh phrâo mơng khul đah kơmơi amăng bruă bơwih [ong huă, s^ mdrô; djru adơi amai amăng khul tơtlaih mơng [un rin, hrưn đ^ ngă pơdrong lăp djơ\, djru yôm phăn amăng bruă pơhro\ trun rin rơpa hăng pơdo\ng plơi pla phrâo./.

            Hoàng Quy: Pô ]ih – Siu H’ Prăk: Pô pơblang