VOV4.Jarai -  Tui hăng Anom wai lăng tơlơi duam ruă tơring čar Daknông, abih bang mrô mơnuih ƀă klin Covid-19 ƀơi tơring čar lĕ rơbêh kơ 1000 čô mơnuih. Amăng mrô anai hmâo laih 855 čô mơnuih suaih ruă, 7 čô mơnuih djai. Lăp đing nao, ƀơi plơi prong Gia Nghĩa phrâo hmâo 8 čô mơnuih djơ̆ klin amăng plơi pla. Amăng anun hmâo 5 čô mơnuih bơdjơ̆ nao pô ruă thâo djơ̆ klin mơng ƀôn prong Hồ Chí Minh, hăng 3 čô mơnuih lĕ mơnuih mă bruă ƀơi anih adôh karaoke hmâo bôh than klin ruă mơng tơring čar Daklak. Khul apăn bruă hmâo pơphun hyu huĕt ĕp tañ, pơsit 120 F1, amăng anun hmâo 5 čô mơnuih hmâo bôh tơhnal pơčrang lăng ƀă kơman Sars-CoV-2 hăng hơdră pơcrang RT-PCR. Hăng 3 čô mơnuih lĕ mơnuih mă bruă ƀơi anih adôh karaoke hmâo bôh than klin ruă mơng tơring čar Daklak, ră anai gơnong bruă ia jrao Daknông glăk hyu huĕt ĕp mơnuih bơdjơ̆ nao. Yak blung a pơsit hơdôm pluh anih anom ƀơi Gia Nghĩa hơdôm mơnuih ruă anai nao dô̆, amăng anun hmâo sa dua bôh anom karaoke, sang jưh tuai./.

Siu H’ Prăk: Pô pơblang