VOV4.Jarai - Yap mơng 6 mông truh 12 mông yang hrơi dong lơ 24/5, Việt Nam hơmâo 33 čô mơnuih dong ƀă klin Covid-19, amăng anun hơmâo 28 čô ƀơi Bắc Giang, 4 čô ƀơi Hải Dương hăng ha čô ƀơi Đà Nẵng. 28 čô phrâo ƀă kman lĕ dŏ amăng anih guang dar klin, bơdjơ̆ nao anih hơmâo klin ƀơi Sang măi pơkra gơnam Quang Châu, Vân Trung, Đình Trám. Yap truh 12 mông lơ 24/5, Việt Nam hơmâo abih bang 3.823 čô mơnuih ƀă klin amăng dêh čar, hăng 1.485 čô ƀă kman lĕ mơnuih mơng tač rơngiao. Tui hăng tơlơi pơhing mơng Grup pơjrao tơlơi ruă hăng Grup pơčrông sai hơdră pơjrao kơ ƀing ƀă klin Covid-19 ruă kơtang, yap truh mơguah lơ 24/5, Việt Nam glăk pơjrao brơi 2.258 čô mơnuih ƀă Covid-19, amăng anun rơbêh 50% čô mơnuih ƀu ƀuh nam ruă ôh. Kơ-iăng khua ding jum ia jrao ơi Nguyễn Trường Sơn lăi, ƀing ƀă kman Covid-19 amăng tal anai phara hăng ƀơi Đà Nẵng. Ƀơi Đà Nẵng, lu ƀing ƀă kman ruă boh ƀleh kơtang mơng hơđăp laih, ruă lok nao lok rai. Khă hnun, amăng tal anai, djuai kman mơng India, rơngiao kơ ƀă hyu tañ, đa ƀing ruă lĕ mơnuih dŏ mơdrah đôč, huăi hơmâo tơlơi ruă hơget ôh mơng hlâo samơ̆ ăt ruă kơtang mơn, suă pran hăng oxy, hăng măi.

Siu H’Mai: Pơblang