VOV4.Jarai -  Ding jum ia jrao dêh čar ta brơi thâo mơng ră anai truh rơnuč thun 2021, mrô vaccine pơgang Covid-19 amra ba glăi lu, yua anun hơdôm anih anom khom prăp lui mơnuih mă bruă, anih anom mă yua hăng hơdôm tơlơi kiăng hloh pioh đĭ rơnoh tlâ̆o pơgang đah mơng tañ pơhlôm djop mơnuih tlâ̆o pơgang. Mơng anun ngă gal brơi yôm phăn pioh dưi dô̆ hơdip pơhlôm hăng klin ruă, laih anun pơđĭ kyar bơwih ƀong – mơnuih mơnam. Tui hăng tơlơi lăi pơthâo glăi mơng Anom ia jrao pơhlôm hlâo hăng Anom kơsem min klin ruă dêh čar ta, truh abih lơ 10/10, Việt Nam hmâo tŭ mă rơbêh kơ 87 klăk liều vaccine pơgang, pơgăn Covid-19 hăng hmâo ngă tui 57 tal pơpha hyu hăng abih bang 81 klăk 700 rơbâo liều vaccine kơ hơdôm anih anom. Pơkă hlâo pơ̆ anăp anai mrô vaccine amra dưi blơi mut lu. Kiăng pơhlôm mă yua vaccine tañ, ba glăi bôh tơhnal, Ding jum ia jrao rơkâo hơdôm tơring čar, ƀôn prong lăng bruă tlâ̆o vaccine pơgang Covid-19 lĕ bruă phun, đing nao hlâo amăng rơwang ră anai./.

Siu H’ Prăk: Pô pơblang