VOV4.Jarai - Ƀơi mông jơnum lăng nao rai amăng tivi kơplah wah Ding jum ia jrao hăng hơdôm boh tơring čar kơ bruă tlâ̆o vaccine pơgang Covid-19 tlam lơ 17/11, Kơ-iăng khua Ding jum ia jrao Đỗ Xuân Tuyên brơi thâo, ră anai hơmâo lu tơring čar tlâ̆o vaccine pơgang Covid-19 dŏ kaih, čih pơmut hră pơ-ar ƀu djŏp, ngă bơbeč kơ bruă sem lăng bruă tlâ̆o vaccine amăng dêh čar ta glăk hơmâo ngă hơdôm pă. Ră anai, dêh čar ta hơmâo brơi nao giăm 130 klăk liêu vaccine pơgang Covid-19, amăng anun amăng kual Dơnung hơmâo brơi lu hloh năng ai 60 klăk liêu, kual Kơdư hơmâo giăm 49 klăk liêu, Tong Krah hơmâo rơbêh 14 klăk liêu hăng kual Dap Kơdư hơmâo rơbêh 4 klăk 700 rơbâo liêu. Đơ đam dêh čar ta hơmâo tlâ̆o rơbêh 102 klăk liêu vaccine pơgang Covid-19.

Siu H’Mai: Pơblang